KUHLONISHWE UMAJOTHA KWIMPUCUZEKO MASKANDI FESTIVAL
.jpg)
KUQOPHEKE umlando emcimbini wesintu Impucuzeko Maskandi Festival kuhlonishwa uMzwandile "Majotha" Zungu odabuka endaweni yaKwaMaphumulo, ongumculi kaMaskandi ongasekho emhlabeni.
Lo mcimbi omkhulukazi ubanjelwe eMoses Mabhida People's Park, eThekwini uqale izolo waphetha namuhla.
Umhleli walo mcimbi uXolani Mcineka ngokubambisana noNgqongqoshe wezeMidlalo, ubuCiko namaSiko KwaZulu-Natal uMnuz Mntomuhle Khawula banikele ngemali engu-R25 000 emndenini kaMajotha obuhambele lo mcimbi.
"Namuhla sikhethe ukuhlonipha umculi kaMaskandi ongomunye owaqala ukubayingxenye yeMpucuzeko Maskandi Festival isabanjelwa eCurriesfountain," kubeka uMcineka.
Eqhuba uthe lusazoqhubeka uhlelo lokuhlonipha abaculi abangasekho emhlabeni, ababamba iqhaza kulo mcimbi.
UMajotha wadlula emhlabeni ngonyaka ka-2021. Wahamba eshiye izingoma ezishisayo, okubalwa ethi, Inkinga Yamabutho , Mixit, Professional uNkonka goqe kathathu nezinye.
Abaculi abanandise emcimbini Impucuzeko Maskandi Festival ebihanjelwe izinkumbi zabathandi baMaskandi ilaba: Gatsheni, Stabhilithi, Mzukulu, Somnandi, Khuzani, Njoko, Menzi, Mjolisi, Jaiva, Mfezemnyama, Jumbo, Limit, Amageza Amahle, Nkosiyamagcokama, Ithwasa Lekhansela, Bahubhe, Sminoff, Mashelela, Mroza, Mfiliseni Magubane, Ntencane, Falabo, Mdumazi, Imithente, Izingane zoma, Buselaphi, Inyon'Emhlophe, Ndoni, Saliwa, Mafikizolo, AmaNND, Ali Mgube, Amavikelambuso, Gcabashe, Dumakahle, Qhosha, Cevuzile, Mkhulekelwa noSikweletu.
