UZA NOKUSHA UMSAKAZI OBEGWETSHELWE AMAHHALA
Umsakazi we-Inanda 88.4 FM, uPro Ndlovu owabhadla ejele iminyaka engu-7 ngecala lokubulala adonsa kanzima ngalo ekubeni engalenzanga, usethule ngokusemthethweni umkhankaso i-From Prison to Palace Comedy. Lolu wuhlelo elingumncintiswano lokuthungatha osomahlaya abasafufusa emphakathini ngenhloso yokulwa nobugebengu. Lo mkhankaso, ohlelwe yi-The Sthembiso Pro Ndlovu Foundation ngokubambisana noMasipala weTheku kanye nomsakazo i-Inanda 88.4 FM, wethulwe ngokusemthethweni namhlanje ezindlini zomsakazo Inanda FM, eNanda enyakatho neTheku namhlanje.
Echaza uNdlovu uthe ukwandiswa kwamaphoyisa nezikhali akusona isixazululo esiphelele sokulwa nobugebengu emphakathini.
"Ngesikhathi ngiboshwa, ngangenza unyaka wami wokugcina eDurban University of Technology (DUT). Ngangenza amahlaya nezinye izinto zokungcebeleka. Ngesikhathi sengingaphakathi ejele, ngaqhubeka nokuhlela imicimbi lapho abantu abanjengoSimphiwe Shembe baze bafika khona ukuzoseseka," kusho uNdlovu.
Uqhube wathi ubonile ukuthi intsha eningi eboshiwe inamakhono amangalisayo kodwa inkinga enkulu wukuthi ayikaze ithole amathuba okuthi amakhono ayo abonakale ngenkathi isemaphakathini.
Abafisa ukungenela lo mncintiswano bavunyelwe ukwenza njalo kusukela kusasa. Izicelo zivalwa mhlaka 16 September 2026. Nendlela yokungenela imi kanje: Qopha ividiyo yakho ushaya amahlaya. Yifake ezinkundleni zokuxhumana ezifana neFacebook, TikTok, noma u-X ( lowo owayaziwa ngeTwitter). Faka i-hashtag ethi #FPTPComedySearch26 kuleyo vidiyo.
Amajaji alo mncintiswano azobe eholwa ngosomahlaya abaphambili okubalwa kubo uSimphiwe Shembe, Justice Kubheka noSimthande Myeza. Lawa majaji azohlunga osomahlaya abawu-10 abazongena kowamanqamu. Umcimbi omkhulu uzoba mhlaka 25 September 2026, esikhungweni sezobuciko i-The Bat Centre, eThekwini. Osomahlaya abathathu abazodla umhlanganiso bazohlanyela isiteki semali esiwu-R15 000.
Echaza uNdlovu uthe ukwandiswa kwamaphoyisa nezikhali akusona isixazululo esiphelele sokulwa nobugebengu emphakathini.
"Ngesikhathi ngiboshwa, ngangenza unyaka wami wokugcina eDurban University of Technology (DUT). Ngangenza amahlaya nezinye izinto zokungcebeleka. Ngesikhathi sengingaphakathi ejele, ngaqhubeka nokuhlela imicimbi lapho abantu abanjengoSimphiwe Shembe baze bafika khona ukuzoseseka," kusho uNdlovu.
Uqhube wathi ubonile ukuthi intsha eningi eboshiwe inamakhono amangalisayo kodwa inkinga enkulu wukuthi ayikaze ithole amathuba okuthi amakhono ayo abonakale ngenkathi isemaphakathini.
Abafisa ukungenela lo mncintiswano bavunyelwe ukwenza njalo kusukela kusasa. Izicelo zivalwa mhlaka 16 September 2026. Nendlela yokungenela imi kanje: Qopha ividiyo yakho ushaya amahlaya. Yifake ezinkundleni zokuxhumana ezifana neFacebook, TikTok, noma u-X ( lowo owayaziwa ngeTwitter). Faka i-hashtag ethi #FPTPComedySearch26 kuleyo vidiyo.
Amajaji alo mncintiswano azobe eholwa ngosomahlaya abaphambili okubalwa kubo uSimphiwe Shembe, Justice Kubheka noSimthande Myeza. Lawa majaji azohlunga osomahlaya abawu-10 abazongena kowamanqamu. Umcimbi omkhulu uzoba mhlaka 25 September 2026, esikhungweni sezobuciko i-The Bat Centre, eThekwini. Osomahlaya abathathu abazodla umhlanganiso bazohlanyela isiteki semali esiwu-R15 000.
