ISILILO KWABE-CITY BEDLIWA IZEMBE
LINDOKUHLE NGCOBO
BADINDE isililo abadlali beCape Town City FC bedliwa izembe kwiPSL Betway Premiership, ngesikhathi beshawa i-Orbit College ngo 1-0 emdlalweni wokuhlungela ukungena kwiPSL, obuse-Olympia Stadium, eRustenburg namuhla ntambama. Igoli le-Orbit lishawe uLetsie Koapeng ngomzuzu ka-47.
UMswenkos Boys iwona onqobe lomqhudelwano wokuhlungela, kulandela ukuba namaphuzu angu-8 emdlalweni emine, ilandelwa iCity neCasric Stars abanaphuzu angu-2. I-City iye kulo mdlalo wanamuhla inengcindezi yokuthi kumele iwunqobe kumnyama kubomvu.
Nokho leli qembu laseKapa lifike lashaya udaka njengoba ngesizini ezayo lizodlala esigabeni seMotsepe Foundation Championship. I-City izithola ikulo mqhudelwano wokuhlungela, ngemuva kokuqeda endaweni ka-15 ngamaphuzu angu-27 kwilogi yeBetway Premiership. I-City izodlala umdlalo wokugcina, wokugcina icala neCasric ngoMsombuluko ngo-15h00 ntambama eCape Town Stadium, eKapa.
BADINDE isililo abadlali beCape Town City FC bedliwa izembe kwiPSL Betway Premiership, ngesikhathi beshawa i-Orbit College ngo 1-0 emdlalweni wokuhlungela ukungena kwiPSL, obuse-Olympia Stadium, eRustenburg namuhla ntambama. Igoli le-Orbit lishawe uLetsie Koapeng ngomzuzu ka-47.
UMswenkos Boys iwona onqobe lomqhudelwano wokuhlungela, kulandela ukuba namaphuzu angu-8 emdlalweni emine, ilandelwa iCity neCasric Stars abanaphuzu angu-2. I-City iye kulo mdlalo wanamuhla inengcindezi yokuthi kumele iwunqobe kumnyama kubomvu.
Nokho leli qembu laseKapa lifike lashaya udaka njengoba ngesizini ezayo lizodlala esigabeni seMotsepe Foundation Championship. I-City izithola ikulo mqhudelwano wokuhlungela, ngemuva kokuqeda endaweni ka-15 ngamaphuzu angu-27 kwilogi yeBetway Premiership. I-City izodlala umdlalo wokugcina, wokugcina icala neCasric ngoMsombuluko ngo-15h00 ntambama eCape Town Stadium, eKapa.
