IQALE NGEGIYA ELIPHEZULU IMIDLALO EBIZWA NGO-UBHUQU TOURNAMENTS
IQALE ngenothi eliphezulu imidlalo yeKZN Ubhuqu Tournament ebiyenzeka okokuqala ezingeni lesifundazwe ngempelasonto KwaMsane Stadium, eMtubatuba.
Le midlalo ehlelwe uMnyango wezeMidlalo, ezobuCiko namaSiko KwaZulu-Natal(KZN) oholwa uNgqongqoshe uMnuz Mntomuhle Khawula, iyingxenye yohlelo lokuthuthukisa ezemidlalo eKZN.
Ekhuluma neNews Avenue uNgqongqoshe uKhawula uveze ukuthi kule midlalo, kugcwele umoya wobumbano kusukela kubaqeqeshi, abadlali nakuzethameli.
"Sisazoqhubeka nokubona imidlalo efana nalena kuseyisiqalo lesi. Mihle imidlalo KwaZulu-Natal, asikho isidingo sokuthi iqembu laKwaZulu-Natal liyofuna abadlali kwesinye isifundazwe, baningi abadlali KwaZulu-Natal liningi ikhono. Esikudingayo ukuthuthukiswa kwawo amakhono, ikhona lokhu esikwenzayo," kubeka uKhawula.
Emdlalweni webhola lezinyawo labesifazane iMphehli All Stars FC ibengompetha beKZN Ubhuqu Tournament 2025, iyodlala kuma-SASOL National Playoffs mhlaka 6 December, eVaal. Kuthi ebholeni likanobhutshuzwayo labesilisa, uMkhambathi fc, ushaye uMsinga United ngo 1-0 emdlalweni wamanqamu. Ebholeni lomnqakiswano iqembu laseThekwini iGorgeous Girls lishaye uThukela ngo 12-11.
Le midlalo ehlelwe uMnyango wezeMidlalo, ezobuCiko namaSiko KwaZulu-Natal(KZN) oholwa uNgqongqoshe uMnuz Mntomuhle Khawula, iyingxenye yohlelo lokuthuthukisa ezemidlalo eKZN.
Ekhuluma neNews Avenue uNgqongqoshe uKhawula uveze ukuthi kule midlalo, kugcwele umoya wobumbano kusukela kubaqeqeshi, abadlali nakuzethameli.
"Sisazoqhubeka nokubona imidlalo efana nalena kuseyisiqalo lesi. Mihle imidlalo KwaZulu-Natal, asikho isidingo sokuthi iqembu laKwaZulu-Natal liyofuna abadlali kwesinye isifundazwe, baningi abadlali KwaZulu-Natal liningi ikhono. Esikudingayo ukuthuthukiswa kwawo amakhono, ikhona lokhu esikwenzayo," kubeka uKhawula.
Emdlalweni webhola lezinyawo labesifazane iMphehli All Stars FC ibengompetha beKZN Ubhuqu Tournament 2025, iyodlala kuma-SASOL National Playoffs mhlaka 6 December, eVaal. Kuthi ebholeni likanobhutshuzwayo labesilisa, uMkhambathi fc, ushaye uMsinga United ngo 1-0 emdlalweni wamanqamu. Ebholeni lomnqakiswano iqembu laseThekwini iGorgeous Girls lishaye uThukela ngo 12-11.
