ZIDEDELWE NGEBHEYILI IZIKHULU ZIKAMASIPALA WASE-EKURHULENI
INKANTOLO yeMantshi yaseBoksburg, eGauteng inqume ukudedela iPhini leNhloko yamaPhoyisa oMkhandlu was'Ekurhuleni uMnuz Julius Mkhwanazi osamisiwe noMphathi walo Mkhandlu uMnuz Kagiso Lerutla ngebheyili ka R30 000 umuntu eyedwa.
Bazobuyela eNkantolo ngomhlaka 13 May 2026.
UMkhwanazi noLerutla babhekene necala lenkohlakalo, ukukhwabanisa nokuphazamisa umsebenzi wamaPhoyisa.
Ngesikhathi uMkhwanazi eboshwa watholwa nezinhlamvu zesibhamu. UMkhwanazi usolwa ngokusondelana nosomabhizinisi obhekene nenqwaba yamacala, uMnuz Vusimuzi 'Cat' Matlala.
