USIZI KUNGCWATSHWA ABAFUNDI
Lindokuhle Ngcobo
UMUNYU kungcwatshwa abafundi abashone engozini yaseVanderbijlpark esifundazweni iGauteng.
Le ngozi yenzeke ngesonto eledlule ngesikhathi kutholana phezulu iloli netekisi ebithwele abafundi, kwashona abafundi abangu 14 kwasinda abafundi ababili nomshayeli wetekisi.
Kube usizi lodwa ngesikhathi imindeni isenkozweni yomngcwabo wabafundi abathathu enkundleni yezemidlalo iSaul Tsotetsi Multipurpose Centre, eSebokeng izolo.
Kufihlwe u-Ofentse Jayden Raymond Vinge(6), obefunda ibanga lesi 1, e-Oliver Lodge Primary School; uBokamoso Mokhobo(13), obefunda ibanga lesi 8, eHoerskool Vanderbijilpark noThato Moetji(16), obefunda ibanga lesi 12, eHoerskool eVanderbijlpark.
Lo mngcwabo ubuhanjelwe uNdunankulu waseGauteng uMnuz Panyaza Lesufi, uNgqongqoshe waBesifazane, iNtsha naKhubazekile uNkk Sindisiwe Chikunga, iPhini likaNgqongqoshe wezokuThutha kuzwelonke uMnuz Mkhuleko Hlengwa, uNgqongqoshe wezokuThutha eGauteng uNkk Kedibone Diale-Tlabela, uNgqongqoshe wezeMfundo eGauteng uMatome Chiloane neMeya kaMasipala iSedibeng uKhansela Lerato Maloka.
Ekhuluma uLesufi uthe akumele imigwaqo, ebheke ezikoleni iphenduke indawo yokushona kwabafundi.
"Asikwazi ukumelana nesimo sokuthi esikhundleni sikunikeza abafundi izitifiketi zokuphuthula izifundo, sizithola sibanika izitifiketi zokushona. Kumele iphele lento. Ukuze sikuqede lokhu, kusho ukuthi kumele sisebenze ngokubambisana," kusho uLesufi.
Abanye abafundi abafihlwe ngempelasonto, eSebokeng Zone 14, uPhehello Motaung (18) noLesego Sefatsa (7) abayizihlobo.
UMUNYU kungcwatshwa abafundi abashone engozini yaseVanderbijlpark esifundazweni iGauteng.
Le ngozi yenzeke ngesonto eledlule ngesikhathi kutholana phezulu iloli netekisi ebithwele abafundi, kwashona abafundi abangu 14 kwasinda abafundi ababili nomshayeli wetekisi.
Kube usizi lodwa ngesikhathi imindeni isenkozweni yomngcwabo wabafundi abathathu enkundleni yezemidlalo iSaul Tsotetsi Multipurpose Centre, eSebokeng izolo.
Kufihlwe u-Ofentse Jayden Raymond Vinge(6), obefunda ibanga lesi 1, e-Oliver Lodge Primary School; uBokamoso Mokhobo(13), obefunda ibanga lesi 8, eHoerskool Vanderbijilpark noThato Moetji(16), obefunda ibanga lesi 12, eHoerskool eVanderbijlpark.
Lo mngcwabo ubuhanjelwe uNdunankulu waseGauteng uMnuz Panyaza Lesufi, uNgqongqoshe waBesifazane, iNtsha naKhubazekile uNkk Sindisiwe Chikunga, iPhini likaNgqongqoshe wezokuThutha kuzwelonke uMnuz Mkhuleko Hlengwa, uNgqongqoshe wezokuThutha eGauteng uNkk Kedibone Diale-Tlabela, uNgqongqoshe wezeMfundo eGauteng uMatome Chiloane neMeya kaMasipala iSedibeng uKhansela Lerato Maloka.
Ekhuluma uLesufi uthe akumele imigwaqo, ebheke ezikoleni iphenduke indawo yokushona kwabafundi.
"Asikwazi ukumelana nesimo sokuthi esikhundleni sikunikeza abafundi izitifiketi zokuphuthula izifundo, sizithola sibanika izitifiketi zokushona. Kumele iphele lento. Ukuze sikuqede lokhu, kusho ukuthi kumele sisebenze ngokubambisana," kusho uLesufi.
Abanye abafundi abafihlwe ngempelasonto, eSebokeng Zone 14, uPhehello Motaung (18) noLesego Sefatsa (7) abayizihlobo.
