USAGCINWE ESITOKISINI UMSOLWA OTHOLAKALE NEZIBHAMU EZINE
LINDOKUHLE NGCOBO
USAGQUNYWE esitokisini umsolwa wesilisa oneminyaka engu-42 ubudala. Lo msolwa uvele kafushane namuhla eNkantolo yeMantshi yaKwaNongoma.
Kulandela ukuboshwa izolo endaweni yakwaGwabe, KwaNongoma, ngemuva kokugasela kwamaphoyisa aseZululand ophiko lweDistrict Task Team neCrime Intelligence.
Okhulumela amaphoyisa uLieutenant Colonel Paul Magwaza uthi ngesikhathi abakwasidlodlo beqhuba umsebenzi wabo bathole izibhamu ezingu-4 ezingekho emthethweni nezinhlamvu ngaphansi kombhede kamsolwa. Edalula izinhlobo zezibhamu ezitholakale kumsolwa kukhona i-AK47, isibhamu esincane, i-303 nesibhamu esibizwa nge-UZZI.
"Kulindeleke ukuthi umsolwa aphinde avele eNkantolo ngoMsombuluko mhlaka 25 August 2025, nokuyilapho okubhekwe ukuthi afake isicelo sebheyili," kubeka uMagwaza.
USAGQUNYWE esitokisini umsolwa wesilisa oneminyaka engu-42 ubudala. Lo msolwa uvele kafushane namuhla eNkantolo yeMantshi yaKwaNongoma.
Kulandela ukuboshwa izolo endaweni yakwaGwabe, KwaNongoma, ngemuva kokugasela kwamaphoyisa aseZululand ophiko lweDistrict Task Team neCrime Intelligence.
Okhulumela amaphoyisa uLieutenant Colonel Paul Magwaza uthi ngesikhathi abakwasidlodlo beqhuba umsebenzi wabo bathole izibhamu ezingu-4 ezingekho emthethweni nezinhlamvu ngaphansi kombhede kamsolwa. Edalula izinhlobo zezibhamu ezitholakale kumsolwa kukhona i-AK47, isibhamu esincane, i-303 nesibhamu esibizwa nge-UZZI.
"Kulindeleke ukuthi umsolwa aphinde avele eNkantolo ngoMsombuluko mhlaka 25 August 2025, nokuyilapho okubhekwe ukuthi afake isicelo sebheyili," kubeka uMagwaza.
