USAGCINWE ESITOKISINI OBANJWE NEMOTO EDUNWE EPITOLI
LINDOKUHLE NGCOBO
USAGQUNYWE esitokisini umsolwa oneminyaka engu-34 ubudala, obhekene necala lokubanjwa nemoto entshontshiwe. USolomon Chiloane uvele kafushana eNkantolo yeMantshi eMokopane, eLimpopo izolo.
Kulandela ukuboshwa ngoMsombuluko eMokopane, ehamba ngeveni iToyota Hilux emhlophe, edunwe ePitoli ngoMgqibelo mhlaka 12 July.
Kuvela ukuthi uChiloane uhlulekile ukunikeza izimpendulo ezigculisayo mayelana nale moto ebiza inani lika-R700 000, ngesikhathi evinjwa uphiko lamaphoyisa i-ASTT nenkampani yonogada ezimele. Lokhu kuholele ekutheni umsolwa ngokutholakala nemoto entshontshiwe.
Abakwasidlodlo badalule ukuthi baqale ukuthola umkhondo wale moto ngesikhathi ehamba emgwaqeni uR101 isuka eGauteng elibangise eLimpopo. Uphenyo oluqhubekayo luveza ukuthi le moto ibihlelelwe ukudluliswa emngceleni ingeniswe eZimbabwe. Kulindeleke ukuthi umsolwa aphinde avele eNkantolo ngoLwesibili mhlaka 29 July 2025.
