URAMAPHOSA UTHI EZOKUVAKASHA ZIWUMGOGODLA WOKUVUSELELA UMNOTHO WEZWE
LINDOKUHLE NGCOBO
UMENGAMELI wakuleli uMnuz Cyril Ramaphosa uthi umkhakha wezokuvakasha unamandla okuthuthukisa umnotho nokudala amathuba emisebenzi adingekayo.
URamaphosa usho lokhu ngesikhathi evula ngokusemthethweni umbukiso i-Africa's Travel Indaba, ebanjelwe e-Inkosi Albert Luthuli International Convention Centre, eThekwini namuhla kuze kube ngoLwesine mhlaka 14 May 2026.
Lo mbukiso ubhekwa njengomkhulu e-Afrika kulo mkhakha ohlanganisa abaholi bezokuvakasha, abatshalizimali nabathengi bamazwe ngamazwe abafuna amathuba eNingizimu Afrika nase-Afrika jikelele.
"Imbhoni yezokuvakasha inamathuba amakhulu okunika amandla amabhizinisi amancane nokukhulisa umnotho. I- Africa's Travel Indaba iyikhambi elingasiza ekuvuseleleni umnotho emuva kweminyaka enzima. ITheku lizuza okukhulu ngokusingatha lo mcimbi obalulekile," kusho uRamaphosa.
Kulo mcimbi uRamaphosa uphelezelwa nguNgqongqoshe wezokuVakasha kuzwelonke uNksz Patricia de Lille, iPhini likaNgqongqoshe wezokuVakasha kuzwelonke uNksz Makhotso Magdeline Sotyu, uNdunankulu waKwaZulu-Natal (KZN) uMnuz Thamsanqa Ntuli, uNgqongqoshe wezokuThuthukiswa koMnotho, ezokuVakasha nokoNgcinwa kweMvelo eKZN uMfu Musa Zondo, uNgqongqoshe wezeziMali uMnuz Francois Rodgers, uNgqongqoshe wezeMisebenzi yoMphakathi neNgqalasizonda uMnuz Martin Meyer, uNgqongqoshe wezokuThuthukiswa koMphakathi uNksz Mbali Shinga
noMeya weTheku uKhansela Cyril Xaba.
UMENGAMELI wakuleli uMnuz Cyril Ramaphosa uthi umkhakha wezokuvakasha unamandla okuthuthukisa umnotho nokudala amathuba emisebenzi adingekayo.
URamaphosa usho lokhu ngesikhathi evula ngokusemthethweni umbukiso i-Africa's Travel Indaba, ebanjelwe e-Inkosi Albert Luthuli International Convention Centre, eThekwini namuhla kuze kube ngoLwesine mhlaka 14 May 2026.
Lo mbukiso ubhekwa njengomkhulu e-Afrika kulo mkhakha ohlanganisa abaholi bezokuvakasha, abatshalizimali nabathengi bamazwe ngamazwe abafuna amathuba eNingizimu Afrika nase-Afrika jikelele.
"Imbhoni yezokuvakasha inamathuba amakhulu okunika amandla amabhizinisi amancane nokukhulisa umnotho. I- Africa's Travel Indaba iyikhambi elingasiza ekuvuseleleni umnotho emuva kweminyaka enzima. ITheku lizuza okukhulu ngokusingatha lo mcimbi obalulekile," kusho uRamaphosa.
Kulo mcimbi uRamaphosa uphelezelwa nguNgqongqoshe wezokuVakasha kuzwelonke uNksz Patricia de Lille, iPhini likaNgqongqoshe wezokuVakasha kuzwelonke uNksz Makhotso Magdeline Sotyu, uNdunankulu waKwaZulu-Natal (KZN) uMnuz Thamsanqa Ntuli, uNgqongqoshe wezokuThuthukiswa koMnotho, ezokuVakasha nokoNgcinwa kweMvelo eKZN uMfu Musa Zondo, uNgqongqoshe wezeziMali uMnuz Francois Rodgers, uNgqongqoshe wezeMisebenzi yoMphakathi neNgqalasizonda uMnuz Martin Meyer, uNgqongqoshe wezokuThuthukiswa koMphakathi uNksz Mbali Shinga
noMeya weTheku uKhansela Cyril Xaba.
