UNTULI UHAMBELE AMAHOSTELA EGOLI
LINDOKUHLE NGCOBO
Ukwanda kwezigameko zodlame emahostela aseGauteng, okudlule nemiphefumulo yabantu abaningi ikakhulukazi abasuka esifundazweni iKwaZulu-Natal, kuphoqe uNdunankulu waKwaZulu-Natal (KZN) uMnuz Thamsanqa Ntuli, uNgqongqoshe wezokuBusa ngokuBambisana neziNdaba zoMdabu eKZN uMfu Thulasizwe Buthelezi, Amakhosi neZinduna ukuba basukume bazifikele mathupha kulezi eGauteng.
Namhlanje, uMnuz Ntuli wethule ngokusemthethweni uhlelo olusha olunqala olubizwa nge-"Ayihlale Phansi Ibambe Umthetho" eBuyafuthi Hostel, eGoli. Kulo mcimbi uNdunankulu ubehambisana noMqondisi-Jikelele, uNksz Nokuthula Khanyile noMphathi oBambile woMnyango Wezokuphepha Komphakathi Nokuxhumana, uNksz Funi Makhanya.
Ukwethulwa kwalolu hlelo kwenzeke ngesikhathi soMkhosi Wokuhlanza Amahostela, okuwuhlelo oluhlanganyelwe phakathi kukaHulumeni waseKZN nowaseGauteng.
UNtuli umemezele uMntwana uKinobho Zulu njengoMxhumanisi osemthethweni weSikhwama noHlelo luka "Ayihlale Phansi Ibambe Umthetho". Echaza kabanzi ngalolu hlelo uNtuli uveze ukuthi luhlose ukwakha ubunye, ukuvimbela ubugebengu, nokubuyisela amagugu obuntu, ukubuyisana, inhlonipho, nokuphila ndawonye ngokuthula.
"Sithi ayihlale phansi, ibambe umthetho. Akekho umuntu ongaphezu komthetho kuleli lizwe," kuphetha uNtuli.
Ukwanda kwezigameko zodlame emahostela aseGauteng, okudlule nemiphefumulo yabantu abaningi ikakhulukazi abasuka esifundazweni iKwaZulu-Natal, kuphoqe uNdunankulu waKwaZulu-Natal (KZN) uMnuz Thamsanqa Ntuli, uNgqongqoshe wezokuBusa ngokuBambisana neziNdaba zoMdabu eKZN uMfu Thulasizwe Buthelezi, Amakhosi neZinduna ukuba basukume bazifikele mathupha kulezi eGauteng.
Namhlanje, uMnuz Ntuli wethule ngokusemthethweni uhlelo olusha olunqala olubizwa nge-"Ayihlale Phansi Ibambe Umthetho" eBuyafuthi Hostel, eGoli. Kulo mcimbi uNdunankulu ubehambisana noMqondisi-Jikelele, uNksz Nokuthula Khanyile noMphathi oBambile woMnyango Wezokuphepha Komphakathi Nokuxhumana, uNksz Funi Makhanya.
Ukwethulwa kwalolu hlelo kwenzeke ngesikhathi soMkhosi Wokuhlanza Amahostela, okuwuhlelo oluhlanganyelwe phakathi kukaHulumeni waseKZN nowaseGauteng.
UNtuli umemezele uMntwana uKinobho Zulu njengoMxhumanisi osemthethweni weSikhwama noHlelo luka "Ayihlale Phansi Ibambe Umthetho". Echaza kabanzi ngalolu hlelo uNtuli uveze ukuthi luhlose ukwakha ubunye, ukuvimbela ubugebengu, nokubuyisela amagugu obuntu, ukubuyisana, inhlonipho, nokuphila ndawonye ngokuthula.
"Sithi ayihlale phansi, ibambe umthetho. Akekho umuntu ongaphezu komthetho kuleli lizwe," kuphetha uNtuli.
