UMNYANGO UZOQINISA AMAPHEPHA OKUHLALA NEZIMVUME ZAMABHIZINISI ABOKUFIKA
LINDOKUHLE NGCOBO
Kulindeleke ukuthi uMnyango WezaseKhaya ube nomhlangano nabantu bokufika kuleli ikakhulukazi abase-DRC namuhla. UMnyango uzoqinisa amaphepha agunyaza laba ukuthi bahlale kuleli. Uphinde uhlole izimvume zamabhizinisi abo kulandela ukukhathazeka ngokuphepha kwabo, njengoba kuyimanje behlezi eDiakonia Centre, eThekwini.
Kulandela ukuthi kube nomhlangano emahhovisi oMnyango WezaseKhaya, eMngeni, eThekwini. Lo mhlangano ubuhanjelwe yibamba leKhomishana yamaPhoyisa KwaZulu-Natal u-Major General Phumelele Makoba nezikhulu zoMnyango, uMnu. Cyril Mncwabe nenhlangano emele abokufika abakhala ngokungaphephi.
Kulandela isigameko sangoMsombuluko, lapho abokufika bebelele esiteshini samaphoyisa esikhulu eThekwini.
