UMASIPALA UXOLISILE NGOKUCHITHEKA KWENDLE EMGWAQENI
IZIKHULU zikaMasipala weTheku sezixolise ngokusemthethweni ngokuchitheka kwendle emgwaqeni uMargaret Mncadi Avenue nasemephethelweni wawo.
Lokhu kwembulwe esithangamini sabezindaba esibanjelwe eCity Hall, eThekwini namuhla. Lapho uMkhandlu umemezele khona ukuvalwa kwamabhishi amakhulu okuphuthumayo njengoba kusaqhubeka umsebenzi wokulungisa.
"Siyaxolisa kakhulu kwabathintekile okubalwa kubo izakhamuzi, osomabhizinisi, abagibeli nezivakashi ngokungakhululeki nokudideka okubangelwe ukuchitheka kwendle," kusho uMqondosi Wezemisebenzi Yobuchwepheshe eThekwini uMnuz Ednick Msweli.
Echaza uMsweli uthi le nkinga idalwe amaphutha ezobuchwepheshe esiteshini samaphampu eMahatma Gandhi ngenxa yezindwangu nezinto ezingcolisa amanzi ezivale amaphampu. Uveze ukuthi isiteshi sisebenze ngaphansi kwengcindezi enkulu, kusebenza iphampu eyodwa kuphela kwezine.
"Ukuze sivikele ukuphepha komphakathi, sithathe isinqumo sokuvala izindawo zogwini ezithintekile okubalwa kuzo iBay of Plenty, iNorth Beach neBattery Beach ngesikhathi kuqhubeka ukuqapha izinga lamanzi nokuhlanzwa kwendawo," kusho uMsweli.
Lokhu kwembulwe esithangamini sabezindaba esibanjelwe eCity Hall, eThekwini namuhla. Lapho uMkhandlu umemezele khona ukuvalwa kwamabhishi amakhulu okuphuthumayo njengoba kusaqhubeka umsebenzi wokulungisa.
"Siyaxolisa kakhulu kwabathintekile okubalwa kubo izakhamuzi, osomabhizinisi, abagibeli nezivakashi ngokungakhululeki nokudideka okubangelwe ukuchitheka kwendle," kusho uMqondosi Wezemisebenzi Yobuchwepheshe eThekwini uMnuz Ednick Msweli.
Echaza uMsweli uthi le nkinga idalwe amaphutha ezobuchwepheshe esiteshini samaphampu eMahatma Gandhi ngenxa yezindwangu nezinto ezingcolisa amanzi ezivale amaphampu. Uveze ukuthi isiteshi sisebenze ngaphansi kwengcindezi enkulu, kusebenza iphampu eyodwa kuphela kwezine.
"Ukuze sivikele ukuphepha komphakathi, sithathe isinqumo sokuvala izindawo zogwini ezithintekile okubalwa kuzo iBay of Plenty, iNorth Beach neBattery Beach ngesikhathi kuqhubeka ukuqapha izinga lamanzi nokuhlanzwa kwendawo," kusho uMsweli.
