UMASHABA WETHULE UDUBULA NJENGELUNGU ELISHA LE-ACTIONSA
LINDOKUHLE NGCOBO
KUPHELILE ukuqagela ngekusasa likaZandile Dubula, kulandela ukuthi ethulwe(Dubula) ngumholi we-ActionSA uMnuz Herman Mashaba njengelungu laleli qembu.
Lokhu kwenzeke namhlanje eGoli, ngesikhathi uMashaba ogaqele isikhundla sobuMeya kuMasipala waseJoburg, ethula ithimba lakhe azokhankasela nalo.
UDubula, owayengumholi wenhlangano elwisana nokufika kwabantu bokufika okungekho emthethweni kuleli i-Operation Dudula, usule kule nyanga. Udalule ukuthi izinhloso zakhe azisahambisani nendlela yenhlangano okwamanje. Uphinde waveza ukungavumelani nokuthi iDudula iphendulwe ibe yiqembu lezombusazwe.
