UHAMBE KAHLE UMCIMBI WOKUKHUMBULA ISILO
Lindokuhle Ngcobo
UBEYIMPUMELELO umcimbi wokukhumbula iSilo uCetshwayo kaMpande, nokuhambela izindawo zamagugu namuhla.
Uhambo lwalo mcimbi osingethwe isiFunda iKing Cetshwayo, luqale Esikhaleni Senkosi ePort Dunford, lapho iSilo uCetshwayo saphumela khona ngesikhathi sigibela umkhumbi, sibheke ezweni lamaNgisi siyiboshwa. Lube selidlulela eShowe, KwaGqikazi lapho uNdaba kazimudli zimbukani waphangalala khona. Lwaphetha eFort Nonqayo, lapho kube nesifundo ngempilo yeSilo uCetshwayo.
Lo mcimbi ubuhanjelwe Amakhosi, Abantwana baseNdlunkulu, uNgqongqoshe wezeMidlalo ezobuCiko namaSiko KwaZulu-Natal uMnuz Mntomuhle Khawula, iziMeya naMafa aKwaZulu-Natal.
UKhawula uveze ukuthi iNdlunkulu akumele ilinde uhulumeni ukuba ahole isizwe.
"Kunalakho iNdlunkulu iyona okumele ihambe phambili ukweseka uhulumeni, ukuwukhombisa ukuthi zigcinwa kanjani izindawo zamagugu nokwakha intuthuko kuzo," kusho uKhawula.
Kusasa ngoLwesihlanu kulindeleke ukuthi kuyiwe edlinzeni leSilo Cetshwayo, eNkandla.
Le mcimbi yandulela uMkhosi waseSandlwana ozoba ngomhlaka 22 January 2026, eNquthu.
UBEYIMPUMELELO umcimbi wokukhumbula iSilo uCetshwayo kaMpande, nokuhambela izindawo zamagugu namuhla.
Uhambo lwalo mcimbi osingethwe isiFunda iKing Cetshwayo, luqale Esikhaleni Senkosi ePort Dunford, lapho iSilo uCetshwayo saphumela khona ngesikhathi sigibela umkhumbi, sibheke ezweni lamaNgisi siyiboshwa. Lube selidlulela eShowe, KwaGqikazi lapho uNdaba kazimudli zimbukani waphangalala khona. Lwaphetha eFort Nonqayo, lapho kube nesifundo ngempilo yeSilo uCetshwayo.
Lo mcimbi ubuhanjelwe Amakhosi, Abantwana baseNdlunkulu, uNgqongqoshe wezeMidlalo ezobuCiko namaSiko KwaZulu-Natal uMnuz Mntomuhle Khawula, iziMeya naMafa aKwaZulu-Natal.
UKhawula uveze ukuthi iNdlunkulu akumele ilinde uhulumeni ukuba ahole isizwe.
"Kunalakho iNdlunkulu iyona okumele ihambe phambili ukweseka uhulumeni, ukuwukhombisa ukuthi zigcinwa kanjani izindawo zamagugu nokwakha intuthuko kuzo," kusho uKhawula.
Kusasa ngoLwesihlanu kulindeleke ukuthi kuyiwe edlinzeni leSilo Cetshwayo, eNkandla.
Le mcimbi yandulela uMkhosi waseSandlwana ozoba ngomhlaka 22 January 2026, eNquthu.
