UBENGAYIFUNI IDA OYIJOYINILE
Ubengayithandi neze i-Democratic Alliance (DA) obeyikhansela le-ANC kuWadi 8 eThekwini, uMnuz Marco Mbambo, osegcine eyijoyine(DA) ngokusemthethweni le nhlangano ngenxa yokuxoshwa kwakhe.
UMbambo ujoyine iDA kanye nozakwabo uMnuz David Ngubane, obeyikhansela lakuWadi 16 eThekwini. Laba baholi bamukelwe ngokusemthethweni esithangamini sabezindaba esibanjelwe e-Onomo Hotel, eThekwini namhlanje.
UMbambo uthe kube buhlungu kakhulu ukuxoshwa kwi-ANC ngoba ubeyikhonzile le nhlangano. Uveze ukuthi incwadi yakhe yokuxoshwa uyithole ngomlayezo ka-WhatsApp ngesonto eledlule. Wajula ngokuthi kumphathe kabi ukubizwa ngempimpi.
Ekhuluma nabezindaba uMbambo akazange akufihle ukungayithandi kwakhe iDA ekuqaleni, kodwa uthe isimo sepolitiki esishintshayo simenze washintsha nomqondo.
"Ngizokhuluma iqiniso bengingayizwa kahle iDA, angifuna ukuqamba amanga bengingayizwa kahle. Ngithe uma sengimbandakanywa nayo, ngabona ukuthi sekumele ngiyijoyine. Ngihlalile nomndeni wami ngempelasonto ngakhuluma nawo bakhombisa ukungeseka bathi kumele ngiyijoyine. Bathi ipolitiki iyashintsha," kusho uMbambo.
Laba baholi bamukelwe uMholi weDA KwaZulu-Natal (KZN) uMnuz Sithembiso Ngema noSihlalo weDA eKZN uMnuz Dean Macpherson. I-DA idalule ukuthi bobabili uMbambo noNgubane bazophinde bamele leli qembu ezikhundleni zokuba ngamakhansela kumawadi abo okhethweni lohulumeni basekhaya ngomhlaka 4 November 2026.
UMbambo ujoyine iDA kanye nozakwabo uMnuz David Ngubane, obeyikhansela lakuWadi 16 eThekwini. Laba baholi bamukelwe ngokusemthethweni esithangamini sabezindaba esibanjelwe e-Onomo Hotel, eThekwini namhlanje.
UMbambo uthe kube buhlungu kakhulu ukuxoshwa kwi-ANC ngoba ubeyikhonzile le nhlangano. Uveze ukuthi incwadi yakhe yokuxoshwa uyithole ngomlayezo ka-WhatsApp ngesonto eledlule. Wajula ngokuthi kumphathe kabi ukubizwa ngempimpi.
Ekhuluma nabezindaba uMbambo akazange akufihle ukungayithandi kwakhe iDA ekuqaleni, kodwa uthe isimo sepolitiki esishintshayo simenze washintsha nomqondo.
"Ngizokhuluma iqiniso bengingayizwa kahle iDA, angifuna ukuqamba amanga bengingayizwa kahle. Ngithe uma sengimbandakanywa nayo, ngabona ukuthi sekumele ngiyijoyine. Ngihlalile nomndeni wami ngempelasonto ngakhuluma nawo bakhombisa ukungeseka bathi kumele ngiyijoyine. Bathi ipolitiki iyashintsha," kusho uMbambo.
Laba baholi bamukelwe uMholi weDA KwaZulu-Natal (KZN) uMnuz Sithembiso Ngema noSihlalo weDA eKZN uMnuz Dean Macpherson. I-DA idalule ukuthi bobabili uMbambo noNgubane bazophinde bamele leli qembu ezikhundleni zokuba ngamakhansela kumawadi abo okhethweni lohulumeni basekhaya ngomhlaka 4 November 2026.
