UBANJWE ENORTH WEST UMSOLWA WASETHEKWINI
UBOSHWE ngamaphoyisa eHebron, eNorth West umsolwa wesilisa oneminyaka engu-29 ubudala, osolwa ngokuzama ukubulala umshana(9) wakhe (umsolwa).
Umsolwa uSiduduzo Mavundla ubanjwe ngamaphoyisa ophiko lwe BCI neBTTT KwaZulu-Natal(KZN).
Okhulumela amaphoyisa eKZN uColonel Robert Netshiunda ukuqinisekisile ukuboshwa kwalo msolwa, othokale endaweni yokucima ukoma ebukela ibhola lezinyawo.
"Uzobuyiswa eThekwini, nokuyilapho okulindeleke ukuthi avele enkantolo maduze," kuchaza uNetshiunda.
I-News Avenue yabika ngokufunwa kukaMavundla osolwa ngokuklinya aphinde agwaze umshana wakhe ebusweni. Lesi sigameko senzeka endaweni yasePhola eChesterville mhlaka 4 January 2024.
Lo msolwa wanyamalala ngemuva kokuthola ibheyili.
