SEKUBHEKWE UMAJOLA KWELOKUBULAWA KUKA DJ WARRAS
LINDOKUHLE NGCOBO
Sibhekwe ngabomvu umphakathi isinqumo seNkantolo ePhakeme yaseGoli mayelana nosomatekisi waseSoweto, uVictor Majola (44), osolwa ngokuba ungqongqondo ecaleni lokubulawa kwesihlabani somsakazi, uWarrick "DJ Warras" Stock.
Lokhu kulandela ukuthi izolo, uJoaquim Armando Pacula (25) odabuka eMozambique, egwetshwe iminyaka ewu-25 ebhadla ejele ngemuva kokuvuma icala. UPacula udalule enkantolo ukuthi wanikezwa inkokhelo yemali engu-R25,000 ukuze asoconge uDJ Warras ngoDecember 2025.
Ngengoba uPacula esegwetshiwe, amehlo onke manje asemi kuMajola osagqunywe esitokisini, kulandela ukunqatshelwa kwakhe ibheyili ekuqaleni kwalo nyaka. Umbuso uveze ukuthi unemifanekiso ye-CCTV ekhombisa uMajola ekhomba uDJ Warras emgwaqeni ngaphambi kokuba kuvulelwe ngenhlamvu. Kuvela ukuthi imbangela yokubulawa kukaDJ Warras ididiyelwe nebhizinisi lakhe(DJ Warras) lenkampani yezokuvikela eyayisiza ekukhipheni izigebengu ezitshontsha izakhiwo enkabeni yeGoli.
Icala lihlehliselwe umhlaka 17 naku-19 August 2026 ukuze kuphothulwe imininingwane yokulungiselela ukuqulwa kwecala (pre-trial conference). Ukuhlehliswa kulandela izikhalazo zikaMajola zokuthi unengqinamba yezimali zokukhokhela abameli bakhe abazimele. Ijaji uWilliam Karam unikeze uMajola umyalelo wokuthi alungise udaba lwabameli bakhe ngokushesha ukuze kutholakale ubulungiswa ngaphandle kokulibala.
Uphiko lwezokushushisa lwe-NPA luveza ukuthi luzokwenza isiqiniseko sokuthi bonke ababandanyeka kuleli cala, kuhlanganise nalo msolwa ongungqongqondo, babhekena nomthetho enkantolo.
Sibhekwe ngabomvu umphakathi isinqumo seNkantolo ePhakeme yaseGoli mayelana nosomatekisi waseSoweto, uVictor Majola (44), osolwa ngokuba ungqongqondo ecaleni lokubulawa kwesihlabani somsakazi, uWarrick "DJ Warras" Stock.
Lokhu kulandela ukuthi izolo, uJoaquim Armando Pacula (25) odabuka eMozambique, egwetshwe iminyaka ewu-25 ebhadla ejele ngemuva kokuvuma icala. UPacula udalule enkantolo ukuthi wanikezwa inkokhelo yemali engu-R25,000 ukuze asoconge uDJ Warras ngoDecember 2025.
Ngengoba uPacula esegwetshiwe, amehlo onke manje asemi kuMajola osagqunywe esitokisini, kulandela ukunqatshelwa kwakhe ibheyili ekuqaleni kwalo nyaka. Umbuso uveze ukuthi unemifanekiso ye-CCTV ekhombisa uMajola ekhomba uDJ Warras emgwaqeni ngaphambi kokuba kuvulelwe ngenhlamvu. Kuvela ukuthi imbangela yokubulawa kukaDJ Warras ididiyelwe nebhizinisi lakhe(DJ Warras) lenkampani yezokuvikela eyayisiza ekukhipheni izigebengu ezitshontsha izakhiwo enkabeni yeGoli.
Icala lihlehliselwe umhlaka 17 naku-19 August 2026 ukuze kuphothulwe imininingwane yokulungiselela ukuqulwa kwecala (pre-trial conference). Ukuhlehliswa kulandela izikhalazo zikaMajola zokuthi unengqinamba yezimali zokukhokhela abameli bakhe abazimele. Ijaji uWilliam Karam unikeze uMajola umyalelo wokuthi alungise udaba lwabameli bakhe ngokushesha ukuze kutholakale ubulungiswa ngaphandle kokulibala.
Uphiko lwezokushushisa lwe-NPA luveza ukuthi luzokwenza isiqiniseko sokuthi bonke ababandanyeka kuleli cala, kuhlanganise nalo msolwa ongungqongqondo, babhekena nomthetho enkantolo.
