OWOKUHLONIPHA ABANGCWABI NGONYAWO OLUSHA
Lindokuhle Ngcobo
UHLELE ukuqhamuka ngonyawo olusha umcimbi wokuhlonipha ngezindondo abangcwabi, iNational Funeral Business Awards (NFBA).
Lokhu kuvele namuhla eVillage10, eThekwini ngesikhathi kwethulwa izinhlelo zalo mcimbi.
Kuzokwenzeka okungajwayelekile kulo mcimbi njengoba kumenyezelwe ukuthi, uzoqala ngosuku lwangoLwesihlanu eMoses Mabhida Stadium, eThekwini. Lapho izihambeli zalo mcimbi zizobe zidlala imidlalo yezokungcebeleka, kuyo okubalwa ukugitshelwa kwamahhashi, ukuhamba ngentambo emoyeni nokunye okuningi. Kuthi ntambama kuhanjwe ngebhasi laseThekwini lokungcebeleka, kuyiwe endaweni yobumnandi iMax Lifestyle, eMlaza.
Kuhlelwe ukuthi ngoMgqibelo abaqokwe kulo mcimbi, bahambele isidlo sasekuseni enkundleni yokudlala igalofu, kuthi ntambama kusingathwe abangcwabi abanqobe ngonyaka odlule, esidlweni sakusihlwa.
NgeSonto kube nesidlo sakuseni eMhlanga. Kuthi ntambama kube nomcimbi omkhulu wezindondo, eNkosi Albert Luthuli International Convention Centre, eThekwini. Lokhu kuzobe kuqala ukwenzeka ngoba ngonyaka odlule lo mcimbi waba ngosuku olulodwa. Kulindeleke ukuthi zimenyezelwe maduze izinsuku ezisemthethweni zalo mcimbi.
Echaza mayelana nalo mcimbi ozobe ugubha iminyaka emibili kulo nyaka uSihlalo weNFBA uMnuz Muzi Hlengwa uthe inhloso yeNFBA, ukukhuculula umkhakha wezokungcwaba.
"Sisebenza kanzima ukuqeda ukukhwabanisa imali, ukushushumbiswa kwezidumbu, ukudlwengula kwezidumbu zabantu besifazane nokunye. Silapha ukuzokhuculula indima yezokungcwaba," kubeka uHlengwa.
Selivuliwe ithuba lokuqoka abangcwabi abazongela amaNFBA 2026, kanti kulindeleke ukuthi livulwe mhlaka 1 April 2026.
UHLELE ukuqhamuka ngonyawo olusha umcimbi wokuhlonipha ngezindondo abangcwabi, iNational Funeral Business Awards (NFBA).
Lokhu kuvele namuhla eVillage10, eThekwini ngesikhathi kwethulwa izinhlelo zalo mcimbi.
Kuzokwenzeka okungajwayelekile kulo mcimbi njengoba kumenyezelwe ukuthi, uzoqala ngosuku lwangoLwesihlanu eMoses Mabhida Stadium, eThekwini. Lapho izihambeli zalo mcimbi zizobe zidlala imidlalo yezokungcebeleka, kuyo okubalwa ukugitshelwa kwamahhashi, ukuhamba ngentambo emoyeni nokunye okuningi. Kuthi ntambama kuhanjwe ngebhasi laseThekwini lokungcebeleka, kuyiwe endaweni yobumnandi iMax Lifestyle, eMlaza.
Kuhlelwe ukuthi ngoMgqibelo abaqokwe kulo mcimbi, bahambele isidlo sasekuseni enkundleni yokudlala igalofu, kuthi ntambama kusingathwe abangcwabi abanqobe ngonyaka odlule, esidlweni sakusihlwa.
NgeSonto kube nesidlo sakuseni eMhlanga. Kuthi ntambama kube nomcimbi omkhulu wezindondo, eNkosi Albert Luthuli International Convention Centre, eThekwini. Lokhu kuzobe kuqala ukwenzeka ngoba ngonyaka odlule lo mcimbi waba ngosuku olulodwa. Kulindeleke ukuthi zimenyezelwe maduze izinsuku ezisemthethweni zalo mcimbi.
Echaza mayelana nalo mcimbi ozobe ugubha iminyaka emibili kulo nyaka uSihlalo weNFBA uMnuz Muzi Hlengwa uthe inhloso yeNFBA, ukukhuculula umkhakha wezokungcwaba.
"Sisebenza kanzima ukuqeda ukukhwabanisa imali, ukushushumbiswa kwezidumbu, ukudlwengula kwezidumbu zabantu besifazane nokunye. Silapha ukuzokhuculula indima yezokungcwaba," kubeka uHlengwa.
Selivuliwe ithuba lokuqoka abangcwabi abazongela amaNFBA 2026, kanti kulindeleke ukuthi livulwe mhlaka 1 April 2026.
