KUTHUNGATHWA ABABULELE AMADODA AMATHATHU EMITCHELLS PLAIN
AMAPHOYISA aseWestern Cape anxusa umphakathi ukuthi uwasize ukuthola abadubule babulala abesilisa abathathu, eMitchells Plain izolo.
Kuvela ukuthi abesilisa abaphakathi kweminyaka engu- 21 kuya kwengu-36 ubudala badutshulwe ngehora lesi-23h50 ebusuku bebuyela emakubo, kade besuka emcimbini wamaRasta. Abagilwa ababili bashonele endaweni yesigameko emgwaqeni uBayern Munich, kwathi umgilwa wesithathu washonela esibhedlela.
"Okwamanje sisaphenya ngembangela yalesi sigameko. Kunezinsolo zokuthi lesi sigameko sihlobeni nombango weqembu lezigebengu. Sicela noma ubani ongabanolwazi olungasiza uphenyo lwamaphoyisa ashayele inombolo ethi-08600 10111, noma abhalele ku-MySAPS https://www.saps.gov.za/newswoo./msspeechdetail.php?nid=63719. Umphenyi wophiko lweProvincial Serious and Violent Crime Unit ulandela yonke imikhondo yaleli cala," ngokusho kwesitatimendi samaphoyisa.
