KUSOLWA ABESIFAZANE KOMUNYE OBULEWE EKURHULENI
LINDOKUHLE NGCOBO
Lihlehliselwe umhlaka 1 October 2026, icala labesifazane ababili abasolwa ngokubulala ngesihluku owesifazane wase-Vosloorus, uJabulile Ntimba, kulandela ukuvela kwabo kafushane namhlanje eNkantolo yoMantshi yase-Boksburg, Ekurhuleni.
Abasolwa kuleli cala, uFortunate Masilela kanye noTsakane Nester Msithini, babhekene namacala okubulala nokuzama ukuphazamisa ukusebenza komthetho. Isidumbu sikaNtimba sitholakele sidindilize eduze komgwaqo eDawn Park ngesonto eledlule. Ukuvela kwabasolwa namhlanje kulethe isasasa elikhulu emphakathini obugcwele inkantolo uzozizwela mathupha. Nakuba bekuboshwe abasolwa abathathu ekuqaleni, owesilisa akabange esavela enkantolo ngenxa yokushoda kobufakazi okumhlanganisa naleli cala.
Umantshi uhlehlise icala ukuze kuqedelwe uphenyo olunzulu kanye nokulungiselela isicelo sabasolwa sebheyili.
iPhini likaKhomishana wamaPhoyisa uGeneral Tebello Mosikili liveze ukuthi lokhu kubulawa kunesithombe esihlobene nemibango yezothando ehlangene nabasolwa nomufi.
"Odabeni lukaJabulile Ntimba, kubonakala sengathi ukubulawa kwakhe kuhlobene nobudlelwano bezothando. Kungenzeka ukuthi bekukhona ukuthandana kwabantu abathathu, yilokho ithimba eliphenya icala elikutholile. Okunye ngeke sikuveze njengoba uphenyo lusaqhubeka," kubeka uMosikili
Inkantolo ikhiphe umyalelo wokuthi izithombe nobuso babasolwa bungavezwa emphakathini noma emaphephandabeni. Lokhu kwenzelwe ukuvikela izingane zabo ezincane ezingahlukumezeka ngokomqondo. Umphakathi wase-Vosloorus nezinhlangano ezilwa nodlame olubhekiswe kwabesifazane nezingane (GBV) bahlanganyele ngaphandle kwenkantolo bephethe amapanela afuna ukuba abasolwa banganikezwa ibheyili. Leli cala liyaqhubeka nokuvusa umunyu ngesikhathi izwe lisalwa nalesi sihlava sokubulawa kwabesifazane
Lihlehliselwe umhlaka 1 October 2026, icala labesifazane ababili abasolwa ngokubulala ngesihluku owesifazane wase-Vosloorus, uJabulile Ntimba, kulandela ukuvela kwabo kafushane namhlanje eNkantolo yoMantshi yase-Boksburg, Ekurhuleni.
Abasolwa kuleli cala, uFortunate Masilela kanye noTsakane Nester Msithini, babhekene namacala okubulala nokuzama ukuphazamisa ukusebenza komthetho. Isidumbu sikaNtimba sitholakele sidindilize eduze komgwaqo eDawn Park ngesonto eledlule. Ukuvela kwabasolwa namhlanje kulethe isasasa elikhulu emphakathini obugcwele inkantolo uzozizwela mathupha. Nakuba bekuboshwe abasolwa abathathu ekuqaleni, owesilisa akabange esavela enkantolo ngenxa yokushoda kobufakazi okumhlanganisa naleli cala.
Umantshi uhlehlise icala ukuze kuqedelwe uphenyo olunzulu kanye nokulungiselela isicelo sabasolwa sebheyili.
iPhini likaKhomishana wamaPhoyisa uGeneral Tebello Mosikili liveze ukuthi lokhu kubulawa kunesithombe esihlobene nemibango yezothando ehlangene nabasolwa nomufi.
"Odabeni lukaJabulile Ntimba, kubonakala sengathi ukubulawa kwakhe kuhlobene nobudlelwano bezothando. Kungenzeka ukuthi bekukhona ukuthandana kwabantu abathathu, yilokho ithimba eliphenya icala elikutholile. Okunye ngeke sikuveze njengoba uphenyo lusaqhubeka," kubeka uMosikili
Inkantolo ikhiphe umyalelo wokuthi izithombe nobuso babasolwa bungavezwa emphakathini noma emaphephandabeni. Lokhu kwenzelwe ukuvikela izingane zabo ezincane ezingahlukumezeka ngokomqondo. Umphakathi wase-Vosloorus nezinhlangano ezilwa nodlame olubhekiswe kwabesifazane nezingane (GBV) bahlanganyele ngaphandle kwenkantolo bephethe amapanela afuna ukuba abasolwa banganikezwa ibheyili. Leli cala liyaqhubeka nokuvusa umunyu ngesikhathi izwe lisalwa nalesi sihlava sokubulawa kwabesifazane
