KUNYAKAZE UMHLABA I-MCDONALD'S IBUNGAZA IMINYAKA ENGU-30
KUNYAKAZE umhlaba indawo edayisa ngokudla iMcDonald's, igubha iminyaka engu-30 yasungulwa.
Le ndawo yokudla yavula igatsha layo lokuqala endaweni yaseBlackheath, eGoli ngomhlaka 11 November 1995. Njengoba namuhla isinamagatsha angu-400, kuwo eqashe abantu abangaphezulu kuka-17 000.
Oyisikhulu esiphezulu ka-McDonald's uDaniel Padiachy uthi bakhethe ukubungaza lolu suku namakhasimende abo.
"Sekube iminyaka engu-30 abantu bamema iMcDonald's ezimpilweni zabo. Umsebenzi wethu ukubeka umphakathi phambili, ukwakha amathuba empilo angcono nokudayisa ukudla okuhlanzekile," kubeka uPadiachy.
I-McDonald's ikhethe ukubungaza lolu suku ngokudayisa iBig Mac ngenani lika-R30. Nokuyilapho zonke izitolo zale ndawo edayisa ngokudla zivele zagcwala.
