KUNTSHONTSHWE IZIBHAMU NEMALI ECOTTONLANDS
LINDOKUHLE NGCOBO
KWEBIWE izibhamu nemali ngesikhathi kubanjwa inkunzi imoto yemali emgwaqeni uP100 eCottonlands, eNdwedwe namuhla.
Kuvela ukuthi bebehlome beyizingovolo oshaya sibhamu abahlasele le moto, babe sebevulela ngezulu lezandla bebhekise emotweni. Ngemuva kwalokho kukholakala ukuthi babe sebeqhumisa ingemuva le moto besebenzisa iziqhumane. Kuthathwe isamba semali esingadalulwanga, onogada ababili baphucwa izibhamu. Kulesi sigameko akekho unogada olimele.
Izinsolo ezingakaqinisekisiwe ziveza ukuthi oshaya sibhamu abangu-15, bebehamba ngezimoto ezimbili zohlobo lwe-Nissan NP 200 ne-Isuzu D Max emhlophe, zibaleke zabheke eNdwedwe.
Amaphoyisa asaphenya mayelana nalesi sigameko, okwamanje akekho osaboshiwe.
KWEBIWE izibhamu nemali ngesikhathi kubanjwa inkunzi imoto yemali emgwaqeni uP100 eCottonlands, eNdwedwe namuhla.
Kuvela ukuthi bebehlome beyizingovolo oshaya sibhamu abahlasele le moto, babe sebevulela ngezulu lezandla bebhekise emotweni. Ngemuva kwalokho kukholakala ukuthi babe sebeqhumisa ingemuva le moto besebenzisa iziqhumane. Kuthathwe isamba semali esingadalulwanga, onogada ababili baphucwa izibhamu. Kulesi sigameko akekho unogada olimele.
Izinsolo ezingakaqinisekisiwe ziveza ukuthi oshaya sibhamu abangu-15, bebehamba ngezimoto ezimbili zohlobo lwe-Nissan NP 200 ne-Isuzu D Max emhlophe, zibaleke zabheke eNdwedwe.
Amaphoyisa asaphenya mayelana nalesi sigameko, okwamanje akekho osaboshiwe.
