KUKHONA NEKHEHLA(80) KWABABOSHELWE UKUPHANGA KU-N8
LINDOKUHLE NGCOBO
Kukhona nekhehla elineminyaka engu-80 ubudala kubasolwa abathathu, ababoshelwe ukufuna imali ngodli kubashayeli nabagibeli bamatekisi emgwaqeni uN8 phakathi kweBotshwabelo neThaba Nchu eFree State.
Laba basolwa ababoshwe uphiko lweMangaung Metro DOCC East Task Team obelungekho emsebenzini izolo. Kubasolwa ababoshwe besezindaweni ezahlukene, kukhona oneminyaka engu-44, nonengu-58 ubudala.
Lokhu kulandela isigameko esenzeke ngoLwesine, 25 June 2026, ngehora lesi-23:45 ebusuku. Ngaleso sikhathi umshayeli wetekisi wayethwele abagibeli abangu-15, kuhlanganise nabantu abadala nezingane, evela eBotshabelo ebheke eThekwini.
Ngokusho kwamaphoyisa, imoto ye-Toyota Hilux GD6 enezinombolo ze-Free State yadlula itekisi ngesivinini esikhulu yase iyimisa phambi kwayo ngenkani.
"Abasolwa behla baya kumshayeli bafuna ukwazi ukuthi ngubani owamgunyaza ukuba asebenzise lo mzila. Nakuba umshayeli ebakhombise imvumo yakhe esemthethweni yokuhamba ibanga elide, abasolwa baphoqa bonke abagibeli ukuba behle emotweni baye phandle emakhazeni nasebumnyameni," ngokusho kwesitatimendi samaPhoyisa.
Kuvela ukuthi abasolwa bafuna umshayeli imali. Ngesikhathi umshayeli ethi akanamali, omunye wabasolwa waqala ukwehlisa izimpahla zabagibeli enqoleni. Abagibeli base beqoqa imali ndawonye engu-R2 500.00, bayinika abasolwa ukuze bakhululeke.
Icala lokukhokhisa ngenkani livulwe ngomhlaka-1 July 2026 esiteshini samaPhoyisa i-Selosesha.
Kulindeleke ukuba abasolwa bavele enkantolo kaMantshi yaseThaba Nchu maduzane, ukuzobhekana namacala abo.
Kukhona nekhehla elineminyaka engu-80 ubudala kubasolwa abathathu, ababoshelwe ukufuna imali ngodli kubashayeli nabagibeli bamatekisi emgwaqeni uN8 phakathi kweBotshwabelo neThaba Nchu eFree State.
Laba basolwa ababoshwe uphiko lweMangaung Metro DOCC East Task Team obelungekho emsebenzini izolo. Kubasolwa ababoshwe besezindaweni ezahlukene, kukhona oneminyaka engu-44, nonengu-58 ubudala.
Lokhu kulandela isigameko esenzeke ngoLwesine, 25 June 2026, ngehora lesi-23:45 ebusuku. Ngaleso sikhathi umshayeli wetekisi wayethwele abagibeli abangu-15, kuhlanganise nabantu abadala nezingane, evela eBotshabelo ebheke eThekwini.
Ngokusho kwamaphoyisa, imoto ye-Toyota Hilux GD6 enezinombolo ze-Free State yadlula itekisi ngesivinini esikhulu yase iyimisa phambi kwayo ngenkani.
"Abasolwa behla baya kumshayeli bafuna ukwazi ukuthi ngubani owamgunyaza ukuba asebenzise lo mzila. Nakuba umshayeli ebakhombise imvumo yakhe esemthethweni yokuhamba ibanga elide, abasolwa baphoqa bonke abagibeli ukuba behle emotweni baye phandle emakhazeni nasebumnyameni," ngokusho kwesitatimendi samaPhoyisa.
Kuvela ukuthi abasolwa bafuna umshayeli imali. Ngesikhathi umshayeli ethi akanamali, omunye wabasolwa waqala ukwehlisa izimpahla zabagibeli enqoleni. Abagibeli base beqoqa imali ndawonye engu-R2 500.00, bayinika abasolwa ukuze bakhululeke.
Icala lokukhokhisa ngenkani livulwe ngomhlaka-1 July 2026 esiteshini samaPhoyisa i-Selosesha.
Kulindeleke ukuba abasolwa bavele enkantolo kaMantshi yaseThaba Nchu maduzane, ukuzobhekana namacala abo.
