KUHOXE UMJAHO NGEMIZUZU YOKUGCINA EKAPA
LINDOKUHLE NGCOBO
UMOYA onamandla ohlasele eKapa, uphoqe abahleli beSanlam Cape Town Marathon ukuthi bahoxise umjaho ngomzuzu wokugcina.
Lo mjaho bekuhlelwe ukuthi uqale ngehora lesi-6h15 namuhla. Isinqumo sokuthi uhoxiswe sithathwe ngehora lesi-4h45, abasubathi sebeqalile ukusondela endaweni obekuzosuka kuyo umjaho. Kuvela ukuthi kukhona abagijimi abavele bawugijima ngokungekho emthethweni lo mjaho. Abagijimi abagculisekile ngendlela okwenzeke ngayo, bakhala ngezimali zabo nangesikhathi sabo belungiselela lo mjaho.
Oyisikhulu esiphezulu kwiSanlam Cape Town Marathon, uClark Garden uthi kubuhlungu ukuhoxisa umcimbi omkhulu ngemizuzu yokugcina.
"Sisebenze inyanga yonke senza izinhlelo zalo mjaho. Ngeshwa angeke sikwazi ukulawula isimo sezulu. Siyaxolisa ngendlela izinto ezenzeke ngayo ekugcineni. Bekubalulekile ukuthi sibeke izimpilo zabasubathi, ezabasebenzi nezabalandeli phambili," kubeka uGardner.
UMOYA onamandla ohlasele eKapa, uphoqe abahleli beSanlam Cape Town Marathon ukuthi bahoxise umjaho ngomzuzu wokugcina.
Lo mjaho bekuhlelwe ukuthi uqale ngehora lesi-6h15 namuhla. Isinqumo sokuthi uhoxiswe sithathwe ngehora lesi-4h45, abasubathi sebeqalile ukusondela endaweni obekuzosuka kuyo umjaho. Kuvela ukuthi kukhona abagijimi abavele bawugijima ngokungekho emthethweni lo mjaho. Abagijimi abagculisekile ngendlela okwenzeke ngayo, bakhala ngezimali zabo nangesikhathi sabo belungiselela lo mjaho.
Oyisikhulu esiphezulu kwiSanlam Cape Town Marathon, uClark Garden uthi kubuhlungu ukuhoxisa umcimbi omkhulu ngemizuzu yokugcina.
"Sisebenze inyanga yonke senza izinhlelo zalo mjaho. Ngeshwa angeke sikwazi ukulawula isimo sezulu. Siyaxolisa ngendlela izinto ezenzeke ngayo ekugcineni. Bekubalulekile ukuthi sibeke izimpilo zabasubathi, ezabasebenzi nezabalandeli phambili," kubeka uGardner.
