KUDUTSHULWE KWABULAWA ABAYISITHUPHA EKAPA
LINDOKUHLE NGCOBO
AMAPHOYISA aseWestern Cape, aphenya ngamacala okubulawa kwabantu abayisithupha, okubalwa kubo abesifazane abane abadutshulwe ezigamakweni ezahlukene endaweni yaseKraaifontein, eKapa.
Okhulumela amaphoyisa uNovela Potelwa uthi izolo kushone abantu abane kwalimala ababili ezigamakweni ezimbili, ngoMsombuluko kwashona ababili.
"Siphenya ngezigameko ezintathu zokubulala nezokuzama ukubulala. Okwamanje asikayazi imbangela yalezi zigameko. Le ndawo ihlaselwe udlame lombango wamaqembu ezigebengu kulezi zinsuku," kuchaza uPotelwa.
Le ndawo yaseWestern Cape ihamba phambili ngobugebengu nokubulawe kwabantu ngesihluku kulezi zinsuku. Lokhu kuholele ekutheni obambe esobuNgqongqoshe wamaphoyisa kuleli uSolwazi Firoz Cachalia evakashele lesiya sifundazwe endaweni yaseMitchells Plain ukuxoxisana nomphakathi ngobugebengu ekuqhubeka khona.
AMAPHOYISA aseWestern Cape, aphenya ngamacala okubulawa kwabantu abayisithupha, okubalwa kubo abesifazane abane abadutshulwe ezigamakweni ezahlukene endaweni yaseKraaifontein, eKapa.
Okhulumela amaphoyisa uNovela Potelwa uthi izolo kushone abantu abane kwalimala ababili ezigamakweni ezimbili, ngoMsombuluko kwashona ababili.
"Siphenya ngezigameko ezintathu zokubulala nezokuzama ukubulala. Okwamanje asikayazi imbangela yalezi zigameko. Le ndawo ihlaselwe udlame lombango wamaqembu ezigebengu kulezi zinsuku," kuchaza uPotelwa.
Le ndawo yaseWestern Cape ihamba phambili ngobugebengu nokubulawe kwabantu ngesihluku kulezi zinsuku. Lokhu kuholele ekutheni obambe esobuNgqongqoshe wamaphoyisa kuleli uSolwazi Firoz Cachalia evakashele lesiya sifundazwe endaweni yaseMitchells Plain ukuxoxisana nomphakathi ngobugebengu ekuqhubeka khona.
