KUBULAWE OBELWISANA NOBUGEBENGU

Ifu elimnyama emphakathini waseLomanyaneng, eMahikeng. Kulandela ukudutshulwa kubulawe isishoshovu ebesilwa nobugebengu nenkohlakalo emphakathini esingulamelaphi wendabuko uMnuz Thato Molosankwe.

Amaphoyisa aqinisekise ukuthi uMolosankwe uhlaselwe emzini wakhe oseLomanyaneng namuhla ekuseni. Udlule emhlabeni ngemuva kokudutshulwa ngezinhlamvu ezinhlanu.

Obambe njengoKhomishana wamaPhoyisa kuzwelonke, uLieutenant General Puleng Dimpane, ukugxekile lokhu kubulawa, akuchaza njehlazo

"Siyalele uphiko lwamaPhoyisa eliphenya ngamacala okubulala nokubamba inkunzi, ukuba lithumele zonke izinsiza ezidingekayo ekuthungatheni abenzi bobubi," kubeka uDimpane.