KUBOSHWE OWESIFAZANE WANGAPHANDLE NGOKUSHUSHUMBISA IZIDAKAMIZWA
AMAPHOYISA akuleli abophe owesifazane waseBrazil oneminyaka engu 26 ubudala, osolwa ngokushushumbisa izidakamizwa esikhulweni sezindiza i-O.R Tambo International Airport, eGoli izolo.
Kuvela ukuthi umsolwa ubanjwe nezidakamizwa zomhlobo lwe cocain ezingadayiswa ngemali engu R 8.7 million, zifihlwe emithwalweni yakhe. Lo msolwa ongowesifazane oshintshe ubulili, ufike ngendiza evela eBrazil. Abakwasidlodlo bathole imininingwane eyimfihlo, evumele ukuba kuseshwe umthwalo kamsolwa.
Kulindeleke ukuthi umsolwa avele eNkantolo yeMantshi yaseKempton Park, eGoli ngoLwesibili mhlaka 28 April 2026.
