KUBOSHWE ABASOLWA ABAHLANU KWELOKUBULALA
LINDOKUHLE NGCOBO
AMAPHOYISA abophe abasolwa besilisa abahlanu, abaphakathi kweminyaka engu-21 kuya kwengu-25 ubudala namuhla, KwaNgcolosi enyakatho-ntshonalanga yeTheku.
Laba besilisa basolwa ngokuthinteka ecaleni lokubulawa kukaSibongiseni Mkhize noSqumane Gasa, abadutshulwa babulawa mhlaka 18 January 2023, endaweni yas'Embo.
Okhulumela amaphoyisa KwaZulu-Natal(KZN) uConstable Thenjiswa Ngcobo uthi amaphoyisa ophiko lweProvincial Task Team agasele emzini oKwaNgcolosi ngemuva kokuthola umkhondo ngabasolwa abafunelwa icala lokubulala.
"Ngesikhathi amaphoyisa efika, athole abesilisa abahlanu ebebephakathi endlini. Nokuthe mangabe kuseshwa indlu kwatholakala isibhamu esingekho emthethweni nezinhlamvu," kuchaza uNgcobo.
Eqhuba udalule ukuthi uphenyo lwabomthetho luveza ukuthi abasolwa babanjwe besahlela ukwenza elinye icala lokubulala.
Kulindeleke ukuthi abasolwa bavele eNkantolo yeMantshi ePinetown, kusasa ngoLwesihlanu mhlaka 23 October 2025. Kuphinde kwavela ukuthi laba basolwa bebevele befunelwa amacala okugqeza imizi.
AMAPHOYISA abophe abasolwa besilisa abahlanu, abaphakathi kweminyaka engu-21 kuya kwengu-25 ubudala namuhla, KwaNgcolosi enyakatho-ntshonalanga yeTheku.
Laba besilisa basolwa ngokuthinteka ecaleni lokubulawa kukaSibongiseni Mkhize noSqumane Gasa, abadutshulwa babulawa mhlaka 18 January 2023, endaweni yas'Embo.
Okhulumela amaphoyisa KwaZulu-Natal(KZN) uConstable Thenjiswa Ngcobo uthi amaphoyisa ophiko lweProvincial Task Team agasele emzini oKwaNgcolosi ngemuva kokuthola umkhondo ngabasolwa abafunelwa icala lokubulala.
"Ngesikhathi amaphoyisa efika, athole abesilisa abahlanu ebebephakathi endlini. Nokuthe mangabe kuseshwa indlu kwatholakala isibhamu esingekho emthethweni nezinhlamvu," kuchaza uNgcobo.
Eqhuba udalule ukuthi uphenyo lwabomthetho luveza ukuthi abasolwa babanjwe besahlela ukwenza elinye icala lokubulala.
Kulindeleke ukuthi abasolwa bavele eNkantolo yeMantshi ePinetown, kusasa ngoLwesihlanu mhlaka 23 October 2025. Kuphinde kwavela ukuthi laba basolwa bebevele befunelwa amacala okugqeza imizi.
