KUBHEKWE ISINQUMO SIKANDUNANKULU WASE-KZN
LINDOKUHLE NGCOBO
SIBHEKWE ngabomvu isinqumo sikaNdunankulu waKwaZulu-Natal(KZN) uMnuz Thamsanqa Ntuli mayelana noNgqongqoshe ababili abasolwa ngokukhwabanisa amathenda nokugxambukela kwezepolitiki.
Namuhla uNtuli uqinisekise ngokusemthethweni ukuthi useyitholile incwadi evela kuNgqongqoshe wezeMpilo eKZN uNksz Nomagugu Simelane-Mngadi nevela kuNgqongqoshe wezeMfundo eKZN uMnuz Sipho Hlomuka.
Kulandela ukuthi ngesonto eledlule uNtuli ebhalele labo Ngqongqoshe incwadi, efuna umbiko ogcwele kubona mayelana nezinsolo ezisabalele emphakathini abathintekayo (uSimelane-Mngadi noSipho Hlomuka)kuzo. USimelane-Mngadi usolwa ngokusebenzisa isikhundla sakhe ukuthola uxhaso lomndeni wakhe. UHlomuka usolwa ngokukhwabanisa amathenda ohlelweni lokuhlinzekwa ngokudla ezikoleni elibiza imali engu R2.9 billion.
UNdunankulu uveze ukuthi uzibophezele ukuphatha lolu daba ngobuqotho okuphelele.
"Uhulumeni wesifundazwe weGPU uzimisele ekusebenzeleni umphakathi ngobuqotho nangendlela engenayo inkohlakalo. Uma sengiqedile ukucubungula izimpendulo azinikezwe oNgqongqoshe abathintekayo ngizobe sengazisa umphakathi ngesinqumo sami," kubeka uNtuli.
