ISILILO KUDLULA OKA MASKANDI
LINDOKUHLE NGCOBO
Umphakathi nabathandi bomculo kaMaskandi bashaqekile kulandela ukudlula emhlabeni kwesihlabani sikaMaskandi uScebi "Inkosi Yamagcokama" Dlamini, waseMsinga, engozini yemoto eyenzeke emgwaqeni u-R34, eRichards Bay namhlanje entathakusa ngosuku Lwabesifazane (Women's Day). Abaculi abazifikele mathupha endaweni okwenzeke kuyo le ngozi uKhuzani Mpungose noNtencane Zondi.
Ngokusho kwesitatimende esikhishwe uNgqongqoshe weZokuthutha KwaZulu-Natal(KZN), uMnuz Siboniso Duma, uqinisekise ukuthi ingozi yenzeke ngqo emarobhothini azungeze isibhedlela iMelomed, eRichards Bay.
"Amaphoyisa omgwaqo, abezomthetho baseMhlathuze, Amaphoyisa kanye nabosizo lokuqala benze konke okusemandleni abo ukuhlenga lo mculi kodwa ngebhadi ulimale kanzima kakhulu, washonela khona lapho kwenzeke khona ingozi. Kule moto bekunabantu abane; abathathu babo baphuthunyiswa esibhedlela. Ngebhadi, oyedwa kulabo abasinde kuqala, usedlule emhlabeni esibhedlela. Abanye ababili basalulama ngaphansi kweso likodokotela," kubeka uDuma.
Eqhuba udlulise amazwi enduduzo emndenini kaScebi, nasemndenini womunye umgibeli oshonile, nakubo bonke abathandi bomculo kaMaskandi. Wathi amaphoyisa ophiko olubhekelela ezezingozi lwenze uphenyo olunzulu ngembangela yale ngozi.
Inkosi Yamagcokama ibalwa namanye amaqhawe abeke indawo yaseMsinga ebalazweni ngobuciko bayo obukhethekile bomculo. Lo mculi, owanqoba indondo ye-Best Maskandi kuma-SATMA ngonyaka ka-2023, uzokhunjulwa kakhulu ngezingoma zakhe ezinjenge- "Kuyazenzakalela", "Kungcono Ngife", kanye nethi "Asenzele Bona". Umculo wakhe nohleko lwakhe oluzithobile luzohlala luyisibonelo nenselelo kubaculi abasafufusa kulo mkhakha okhula ngezinkani. Mayelana nezinhlelo zokufihlwa kwakhe(uScebi) umndeni uzomemezela uma usuhlangene.
Umphakathi nabathandi bomculo kaMaskandi bashaqekile kulandela ukudlula emhlabeni kwesihlabani sikaMaskandi uScebi "Inkosi Yamagcokama" Dlamini, waseMsinga, engozini yemoto eyenzeke emgwaqeni u-R34, eRichards Bay namhlanje entathakusa ngosuku Lwabesifazane (Women's Day). Abaculi abazifikele mathupha endaweni okwenzeke kuyo le ngozi uKhuzani Mpungose noNtencane Zondi.
Ngokusho kwesitatimende esikhishwe uNgqongqoshe weZokuthutha KwaZulu-Natal(KZN), uMnuz Siboniso Duma, uqinisekise ukuthi ingozi yenzeke ngqo emarobhothini azungeze isibhedlela iMelomed, eRichards Bay.
"Amaphoyisa omgwaqo, abezomthetho baseMhlathuze, Amaphoyisa kanye nabosizo lokuqala benze konke okusemandleni abo ukuhlenga lo mculi kodwa ngebhadi ulimale kanzima kakhulu, washonela khona lapho kwenzeke khona ingozi. Kule moto bekunabantu abane; abathathu babo baphuthunyiswa esibhedlela. Ngebhadi, oyedwa kulabo abasinde kuqala, usedlule emhlabeni esibhedlela. Abanye ababili basalulama ngaphansi kweso likodokotela," kubeka uDuma.
Eqhuba udlulise amazwi enduduzo emndenini kaScebi, nasemndenini womunye umgibeli oshonile, nakubo bonke abathandi bomculo kaMaskandi. Wathi amaphoyisa ophiko olubhekelela ezezingozi lwenze uphenyo olunzulu ngembangela yale ngozi.
Inkosi Yamagcokama ibalwa namanye amaqhawe abeke indawo yaseMsinga ebalazweni ngobuciko bayo obukhethekile bomculo. Lo mculi, owanqoba indondo ye-Best Maskandi kuma-SATMA ngonyaka ka-2023, uzokhunjulwa kakhulu ngezingoma zakhe ezinjenge- "Kuyazenzakalela", "Kungcono Ngife", kanye nethi "Asenzele Bona". Umculo wakhe nohleko lwakhe oluzithobile luzohlala luyisibonelo nenselelo kubaculi abasafufusa kulo mkhakha okhula ngezinkani. Mayelana nezinhlelo zokufihlwa kwakhe(uScebi) umndeni uzomemezela uma usuhlangene.
