BEBEFUNELWA UXHAXHA LWAMACALA ABADUTSHULWE ECHATSWORTH
LINDOKUHLE NGCOBO
SEKUVELE ukuthi bebefunelwa inqwaba yamacala abasolwa abahlanu abadutshulwe ngamaphoyisa bafa emjondolo yaseLusaka, eChatsworth namuhla ekuseni.
Phakathi kwamacala okuvela ukuthi bebefunelwa wona, kubalwa owokubulala, ukubamba inkunzi, ukufuna imali ngodli kosomabhizinisi, nokutholakala nezibhamu ezingekho emthethweni. Kusolakala ukuthi lawa macala bawenze elokishini iMpumalanga, Marianhill, kwaNdengezi naseMsunduzi.
Okhulumela amaphoyisa KwaZulu-Natal(KZN) uColonel Robert Netshiunda uthi ngesikhathi abakwasidlodlo bebememezela ukufika kwabo, abasolwa bakhethe ukudubula. Nokuyilapho amaphoyisa ebuyisele ngenhlamvu.
"Ngesikhathi kudutshulwana kube sekudubuleka abasolwa abahlanu bashona. Alikho iphoyisa elilimele kulokhu kudubulana," kuchaza uNetshiunda.
Eqhuba udalule ukuthi abasolwa batholakale nezibhamu ezintathu ezingekho emthethweni, kuzo kukhona noqwasha. Abasolwa kukholakale ukuthi bebephakathi kweminyaka engu-15 kuya kwengu-20 ubudala.
SEKUVELE ukuthi bebefunelwa inqwaba yamacala abasolwa abahlanu abadutshulwe ngamaphoyisa bafa emjondolo yaseLusaka, eChatsworth namuhla ekuseni.
Phakathi kwamacala okuvela ukuthi bebefunelwa wona, kubalwa owokubulala, ukubamba inkunzi, ukufuna imali ngodli kosomabhizinisi, nokutholakala nezibhamu ezingekho emthethweni. Kusolakala ukuthi lawa macala bawenze elokishini iMpumalanga, Marianhill, kwaNdengezi naseMsunduzi.
Okhulumela amaphoyisa KwaZulu-Natal(KZN) uColonel Robert Netshiunda uthi ngesikhathi abakwasidlodlo bebememezela ukufika kwabo, abasolwa bakhethe ukudubula. Nokuyilapho amaphoyisa ebuyisele ngenhlamvu.
"Ngesikhathi kudutshulwana kube sekudubuleka abasolwa abahlanu bashona. Alikho iphoyisa elilimele kulokhu kudubulana," kuchaza uNetshiunda.
Eqhuba udalule ukuthi abasolwa batholakale nezibhamu ezintathu ezingekho emthethweni, kuzo kukhona noqwasha. Abasolwa kukholakale ukuthi bebephakathi kweminyaka engu-15 kuya kwengu-20 ubudala.
