BAZOVELA ENKANTOLO ABASOLWA NGOKUQOLA UMPHAKATHI KWEZOKUXHUMANA
LINDOKUHLE NGCOBO
KULINDELEKE ukuthi bavele enkantolo yeMantshi yaseMadrind, eGauteng kusasa mhlaka 27 August 2025 abasolwa abahlanu ababoshelwe icala lokuqola umphakathi ezinkundleni zokuxhumana.
Abasolwa baboshwe izolo ngemuva kokudutshulwa ngamaphoyisa aseMidrand. Laba besilisa abahlanu bazophinda babhekane namacala okuzama ukubulala, owokubamba inkunzi kuhlonyiwe, nokutholakala nezibhamu ezingekho emthethweni.
Abakwasidlodlo bebenza uphenyo, kulandela ukuthi umgilwa aphendule esikhangisweni semoto yohlobo lwePolo Vivo kuFacebook. Lo mgilwa, ubhala ukuthi wadutshulwa, wathunjwa maqede wabanjwa inkunzi ngabantu ababethi badayisa le moto, ngomhlaka 4 August 2025.
Nokuthe mangabe amaphoyisa eqhuba uphenyo ngalesi sikhangiso semoto, aphinde athola ulwazi ngowesilisa obesezinhlelweni zokuthenga le moto (Polo Vivo). Kuvela ukuthi abakwasidlodlo bahambe nalo wesilisa ngesikhathi eyohlangana nabadayisi bemoto eMidrand. Ngokusho kwamaphoyisa, kuthe mangabe abasolwa ebebehamba ngezimoto ezimbili, bebona ukuthi umthengi uhamba nawo(amaphoyisa), kuvela ukuthi abasolwa bavulela ngezulu lezandla bebhekise emaphoyiseni, maqede badla utshani(abasolwa).
Nokuyilapho abakwasidlodlo bajahe khona abasolwa, nebala enye imoto yabasolwa yagingqika kwabanjwa abasilisa abahlanu.
"Kutholakale izibhamu ezimbili ezingekho emthethweni. Uphenyo lusaqhubeka, ukuze kubhekwe ukuthi awekho yini amanye amacala okuqola umphakathi ezinkundleni zokuxhumana nawokubamba inkunzi abathinteka kuwo abasolwa," ngokusho kwesitatimendi samaphoyisa.
Abomthetho banxusa umphakathi ukuba uqaphele izikhangiso ezivezwa ezinkundleni zokuxhumana. Abasidlodlo baphakamisa ukuthi amalungu omphakathi ahlangana nabadayisi basenkundleni zokuxhumana eduze kwesiteshi samaphoyisa.
KULINDELEKE ukuthi bavele enkantolo yeMantshi yaseMadrind, eGauteng kusasa mhlaka 27 August 2025 abasolwa abahlanu ababoshelwe icala lokuqola umphakathi ezinkundleni zokuxhumana.
Abasolwa baboshwe izolo ngemuva kokudutshulwa ngamaphoyisa aseMidrand. Laba besilisa abahlanu bazophinda babhekane namacala okuzama ukubulala, owokubamba inkunzi kuhlonyiwe, nokutholakala nezibhamu ezingekho emthethweni.
Abakwasidlodlo bebenza uphenyo, kulandela ukuthi umgilwa aphendule esikhangisweni semoto yohlobo lwePolo Vivo kuFacebook. Lo mgilwa, ubhala ukuthi wadutshulwa, wathunjwa maqede wabanjwa inkunzi ngabantu ababethi badayisa le moto, ngomhlaka 4 August 2025.
Nokuthe mangabe amaphoyisa eqhuba uphenyo ngalesi sikhangiso semoto, aphinde athola ulwazi ngowesilisa obesezinhlelweni zokuthenga le moto (Polo Vivo). Kuvela ukuthi abakwasidlodlo bahambe nalo wesilisa ngesikhathi eyohlangana nabadayisi bemoto eMidrand. Ngokusho kwamaphoyisa, kuthe mangabe abasolwa ebebehamba ngezimoto ezimbili, bebona ukuthi umthengi uhamba nawo(amaphoyisa), kuvela ukuthi abasolwa bavulela ngezulu lezandla bebhekise emaphoyiseni, maqede badla utshani(abasolwa).
Nokuyilapho abakwasidlodlo bajahe khona abasolwa, nebala enye imoto yabasolwa yagingqika kwabanjwa abasilisa abahlanu.
"Kutholakale izibhamu ezimbili ezingekho emthethweni. Uphenyo lusaqhubeka, ukuze kubhekwe ukuthi awekho yini amanye amacala okuqola umphakathi ezinkundleni zokuxhumana nawokubamba inkunzi abathinteka kuwo abasolwa," ngokusho kwesitatimendi samaphoyisa.
Abomthetho banxusa umphakathi ukuba uqaphele izikhangiso ezivezwa ezinkundleni zokuxhumana. Abasidlodlo baphakamisa ukuthi amalungu omphakathi ahlangana nabadayisi basenkundleni zokuxhumana eduze kwesiteshi samaphoyisa.
