BASOLA UMSHUSHISI NGOKUHUDULA IZINYAWO "NGOWABULALA" INGODUSO
LINDOKUHLE NGCOBO
USotswebhu weKomiti leziNsizakalo zomPhakathi eThekwini, uKhansela Ntombikayise Sibhidla, unxusa umphakathi ukuba uphume ngobuningi bawo uyoxhasa umndeni wakwaPhohlo eNkantolo yesiFunda saseThekwini, ngoLwesihlanu mhlaka 14 August 2026. Lokhu kumayelana necala elibhekene noMnuz Mhleli Ndaba, osolwa ngokubulala ngesihluku ingoduso yakhe, uNksz Dima Phohlo, ngo-October 2023 ngaphandle komuzi wabo oseMorningside, eThekwini.
Ekhuluma ne-News Avenue, uSibhidla ukhale ngokuthi leli cala selidonse isikhathi eside kakhulu kanti ubulungiswa abukenzeki. Wasola umshushisi waleli cala ngokuhudula izinyawo.
"Siyaninxusa nonke ukuthi ngomhlaka 14 August 2026, nibe khona nizokweseka umama kaDima, udadewabo nezingane zakhe ezimbili. NgoLwesihlanu kuzobe kungalona usuku lokuqulwa kwecala njengoba namhlanje nayizolo ubengekho umshushisi. Ngalolo suku kuzonqunywa usuku olusemthethweni lokuqulwa kwalo(icala)," kusho uSibhidla.
UNdaba, usolwa ngokugwaza kaningana uPhohlo phambi kwamadodana abo aneminyaka ephakathi kwemithathu nemihlanu ubudala, okwamanje ungaphandle ngebheyili ka-R20 000. Umfanekiso we-CCTV okhombisa isigameko sokubulawa ngesihluku kukaPhohlo usuke wakhonjiswa enkantolo. Nokho, uNdaba uthi akasakhumbuli kahle okwenzeka ngosuku lwesigameko, lapho esola khona ukulimala kwakhe ekhanda ngonyaka ka-2021 njengento eyaphazamisa umqondo wakhe.
USotswebhu weKomiti leziNsizakalo zomPhakathi eThekwini, uKhansela Ntombikayise Sibhidla, unxusa umphakathi ukuba uphume ngobuningi bawo uyoxhasa umndeni wakwaPhohlo eNkantolo yesiFunda saseThekwini, ngoLwesihlanu mhlaka 14 August 2026. Lokhu kumayelana necala elibhekene noMnuz Mhleli Ndaba, osolwa ngokubulala ngesihluku ingoduso yakhe, uNksz Dima Phohlo, ngo-October 2023 ngaphandle komuzi wabo oseMorningside, eThekwini.
Ekhuluma ne-News Avenue, uSibhidla ukhale ngokuthi leli cala selidonse isikhathi eside kakhulu kanti ubulungiswa abukenzeki. Wasola umshushisi waleli cala ngokuhudula izinyawo.
"Siyaninxusa nonke ukuthi ngomhlaka 14 August 2026, nibe khona nizokweseka umama kaDima, udadewabo nezingane zakhe ezimbili. NgoLwesihlanu kuzobe kungalona usuku lokuqulwa kwecala njengoba namhlanje nayizolo ubengekho umshushisi. Ngalolo suku kuzonqunywa usuku olusemthethweni lokuqulwa kwalo(icala)," kusho uSibhidla.
UNdaba, usolwa ngokugwaza kaningana uPhohlo phambi kwamadodana abo aneminyaka ephakathi kwemithathu nemihlanu ubudala, okwamanje ungaphandle ngebheyili ka-R20 000. Umfanekiso we-CCTV okhombisa isigameko sokubulawa ngesihluku kukaPhohlo usuke wakhonjiswa enkantolo. Nokho, uNdaba uthi akasakhumbuli kahle okwenzeka ngosuku lwesigameko, lapho esola khona ukulimala kwakhe ekhanda ngonyaka ka-2021 njengento eyaphazamisa umqondo wakhe.
