BAKHATHEZEKILE KUNYAMALALA OWAYENGUMDLALI WE-SUNDOWNS NEBAFANA
LINDOKUHLE NGCOBO
UKHATHEZEKILE umndeni wakwaMngomeni, kulandela ukunyamalala kukaThando Mngomeni owayengumdlali weMamelodi Sundowns, Bidvest Wits (engasekho) neBafana Bafana. Kuvela ukuth uThando unyamalale phakathi nenyanga edlule(June), kanti umakhalekhukhwini wakhe uvaliwe.
Umfowabo kaThando omdala, uThabo Mngomeni owayengumdlali weBush Bucks ne-Orlando Pirates ukuqinisekisile kwabezindaba ukunyamalala kukamfowabo.
"Le ndaba ngiyithole isisabalele kwabezindaba. Namanje ngisazama ukuthola umfowethu," kuchaza uThabo.
UThabo udidwa inkulumo yentombi kaThando.
"Akushoyo ukuthi uThando uphephile. Ngimcela ukuthi atshele uThando angifonele ukuze ngizwe iphimbo lakhe. Njengamanje ngisebumnyameni anginaso isiqiniseko sokuthi amaphoyisa atsheliwe ngalokhu," kubalisa uThabo.
Eqhuba uThabo uthe ukholelwa ekutheni udadewabo kwakumele abikele amaphoyisa ngokunyamalala kukaThando ngaphambi kokubikela umphakathi.
"Ngicabanga ukuthi uThando, udadewethu nentombi kaThando babenengxabano bathemba sengathi uThando uzobuyela ekhaya. Udadewethu noThando ibona abahlala ekhaya. Okwamanje ngisalinde intombi yakhe(Thando) ukuthi ingifonele ingikhulumise naye," kubeka Thabo ngokukhathazeka.
UKHATHEZEKILE umndeni wakwaMngomeni, kulandela ukunyamalala kukaThando Mngomeni owayengumdlali weMamelodi Sundowns, Bidvest Wits (engasekho) neBafana Bafana. Kuvela ukuth uThando unyamalale phakathi nenyanga edlule(June), kanti umakhalekhukhwini wakhe uvaliwe.
Umfowabo kaThando omdala, uThabo Mngomeni owayengumdlali weBush Bucks ne-Orlando Pirates ukuqinisekisile kwabezindaba ukunyamalala kukamfowabo.
"Le ndaba ngiyithole isisabalele kwabezindaba. Namanje ngisazama ukuthola umfowethu," kuchaza uThabo.
UThabo udidwa inkulumo yentombi kaThando.
"Akushoyo ukuthi uThando uphephile. Ngimcela ukuthi atshele uThando angifonele ukuze ngizwe iphimbo lakhe. Njengamanje ngisebumnyameni anginaso isiqiniseko sokuthi amaphoyisa atsheliwe ngalokhu," kubalisa uThabo.
Eqhuba uThabo uthe ukholelwa ekutheni udadewabo kwakumele abikele amaphoyisa ngokunyamalala kukaThando ngaphambi kokubikela umphakathi.
"Ngicabanga ukuthi uThando, udadewethu nentombi kaThando babenengxabano bathemba sengathi uThando uzobuyela ekhaya. Udadewethu noThando ibona abahlala ekhaya. Okwamanje ngisalinde intombi yakhe(Thando) ukuthi ingifonele ingikhulumise naye," kubeka Thabo ngokukhathazeka.
