BAGWETSHIWE ABABULELE UTHISHANHLOKO
NAMUHLA inkantolo ePhakeme yaseMgungundlovu, igwebe udikilakajele neminyaka emithathu umuntu emunye, ababili abalahlwe icala lokubulala uthishanhloko.
USiboniso 'Bhongo' Sibiya noBheki 'Mabhiza' Dube batholakale benecala lokubulala uMnuz Busani Khomo obenguthishanhloko waseSikhethuxolo High School, eHammersdale.
UKhomo wahlaselwa ngo December 2025 ephuma esikoleni, wadutshulwa ngoyaba lwezinhlamvu washonela emontweni.
Okhulumela amaphoyisa KwaZulu-Natal uColonel Robert Netshiunda ukuqinisekisile ukugwetshwa kwabesilisa ababili ngecala lokubulala uKhomo.
"Abamangalelwa bavele amahlandla amaningi eNkantolo yeMantshi yaseHammardale, ngaphambi kokuba ukuqulwa kwecala kudluliselwe eNkantolo ePhakeme yaseMgungundlovu. Abaphenyi becala baphumelele ukuchitha isicelo sebheyili izikhawu eziningi kwaze kwaba abamangalelwa bayagwetshwa," kubeka uNetshiunda.
