BACHITHA EYOKWANDA KWESIBALO SABASHONILE
Lindokuhle Ngcobo
KUCHITHWA eyokunyuka kwesibalo sabafundi abashone engozini embandakanya itekisi neloli, eyenzeke eVanderbijlpark, eGauteng izolo.
UNGQONGQOSHE wezeMpilo nokuPhila kahle eGauteng uNkk Nomantu Nkomo-Ralehoko uthi, akulona iqiniso ukuthi isibalo sabafundi abashone kule ngozi sesinyukele kwabangu 14.
"Sicela ukucacisa ukuthi abafundi abashonile bangu 12 sebebonke, ilaba abashone endaweni yesehlakalo izolo. Ukusabalala kwemibiko engelona iqiniso kungadala umonakalo nobuhlungu," kubeka uNkomo-Ralehoko.
Eqhuba udalule ukuthi abafundi abathathu abaphakathi kweminyaka engu 10 kuya kwengu 16 ubudala, basathola ukwelashwa esibhedlela iSebokeng. Kuthi umfundi wesine oneminyaka engu 17 ubudala, ungeniswe esibhedlela esizimele i-Alberton. Umshayeli wetekisi usagcinwe esitokisini ngemuva kokudedelwa izolo esibhedlela.
Kuvela ukuthi kubafundi abangu 12 abashonile, imizimba engu 11 isihlonziwe imindeni. Kusele umzimba owodwa, okulindeleke ukuthi nawo uhlonzwe namuhla.
KUCHITHWA eyokunyuka kwesibalo sabafundi abashone engozini embandakanya itekisi neloli, eyenzeke eVanderbijlpark, eGauteng izolo.
UNGQONGQOSHE wezeMpilo nokuPhila kahle eGauteng uNkk Nomantu Nkomo-Ralehoko uthi, akulona iqiniso ukuthi isibalo sabafundi abashone kule ngozi sesinyukele kwabangu 14.
"Sicela ukucacisa ukuthi abafundi abashonile bangu 12 sebebonke, ilaba abashone endaweni yesehlakalo izolo. Ukusabalala kwemibiko engelona iqiniso kungadala umonakalo nobuhlungu," kubeka uNkomo-Ralehoko.
Eqhuba udalule ukuthi abafundi abathathu abaphakathi kweminyaka engu 10 kuya kwengu 16 ubudala, basathola ukwelashwa esibhedlela iSebokeng. Kuthi umfundi wesine oneminyaka engu 17 ubudala, ungeniswe esibhedlela esizimele i-Alberton. Umshayeli wetekisi usagcinwe esitokisini ngemuva kokudedelwa izolo esibhedlela.
Kuvela ukuthi kubafundi abangu 12 abashonile, imizimba engu 11 isihlonziwe imindeni. Kusele umzimba owodwa, okulindeleke ukuthi nawo uhlonzwe namuhla.
