AMAPHOYISA AZOBE EWUQAPHE NGESO LOKHOZI U-30 JUNE
LINDOKUHLE NGCOBO
Amaphoyisa KwaZulu-Natal(KZN) asesimeni sokuhlala eqaphile ngemuva kokumenyezelwa komhlaka-30 June 2026, njengosuku lokugcina lwabokufika abangenawo amaphepha asemthethweni okuhlala eNingizimu Afrika, ngokwenhlangano i-March and March eholwa uJacinta Ngobese Zuma.
IBamba likaKhomishana wamaPhoyisa eKZN, uMajor General Phumelele Makoba, utshele osomabhizinisi ukuthi abakwasidlodlo bazowenza umsebenzi wabo ngaphandle kovalo ukuvikela abantu, ingqalasizinda namabhizinisi.
Lokhu kuvele emhlanganweni obuphakathi kwamaphoyisa nosomabhizinisi be-Durban Chamber of Commerce and Industry e-Oyster Box Hotel, eMhlanga, namhlanje. Osomabhizinisi baveze ukukhathazeka nokwesaba mayelana nalolu suku (30 June 2026).
"Sisesimeni sokuhlala siqaphile. Ezobunhloli seziqalile ukusebenzisa isigaba sokuqala sohlelo lwethu lokusebenza. Asikho isidingo sokwethuka kodwa sicela ukuqapha okwengeziwe," kusho uMajor General Makoba.
UMakoba uqinisekisile ukuthi umkhakha wamabhizinisi umelwe kuma-PROVJOINTS ngokusebenzisana ne-Business Against Crime, ukuze ulwazi lugeleze ngaphandle kokubambezeleka.
Amaphoyisa KwaZulu-Natal(KZN) asesimeni sokuhlala eqaphile ngemuva kokumenyezelwa komhlaka-30 June 2026, njengosuku lokugcina lwabokufika abangenawo amaphepha asemthethweni okuhlala eNingizimu Afrika, ngokwenhlangano i-March and March eholwa uJacinta Ngobese Zuma.
IBamba likaKhomishana wamaPhoyisa eKZN, uMajor General Phumelele Makoba, utshele osomabhizinisi ukuthi abakwasidlodlo bazowenza umsebenzi wabo ngaphandle kovalo ukuvikela abantu, ingqalasizinda namabhizinisi.
Lokhu kuvele emhlanganweni obuphakathi kwamaphoyisa nosomabhizinisi be-Durban Chamber of Commerce and Industry e-Oyster Box Hotel, eMhlanga, namhlanje. Osomabhizinisi baveze ukukhathazeka nokwesaba mayelana nalolu suku (30 June 2026).
"Sisesimeni sokuhlala siqaphile. Ezobunhloli seziqalile ukusebenzisa isigaba sokuqala sohlelo lwethu lokusebenza. Asikho isidingo sokwethuka kodwa sicela ukuqapha okwengeziwe," kusho uMajor General Makoba.
UMakoba uqinisekisile ukuthi umkhakha wamabhizinisi umelwe kuma-PROVJOINTS ngokusebenzisana ne-Business Against Crime, ukuze ulwazi lugeleze ngaphandle kokubambezeleka.
