EZIPHUTHUMAYO KWABAHAMBA NGE-TOYOTA, VW NE VOLVO

LINDOKUHLE NGCOBO

KUNXUSWA abanikazi bezinye zezimoto zakwaToyota, Volkswagen(VW) neVolvo ukuba bazibuyisele emagaraji, ukuze zizohlolwa ukuthi azithinteki yini ezinkingeni ezivezwe ilezi zinkampani. 

Lokhu kumenyezelwe ngokusemthethweni iNational Consumer Commission (NCC) . 

IToyota ifuna kubuyiswe amaHino 500 SKD ne-500 CBU angu-6 662, athengwa kusukela ngomhlaka 11 May 2017 ku-14 December 2023, nangomhlaka 31 May 2018 kuya ku-25 December 2025.

IToyota iveze ukuthi ayifakiwe icage bolt spanner kwiHino 500 CBU kanti kwiHino 500 SKD kwafakwa esingafanele. 

I-VW yona iveze ukuthi kunamaGolf 8 GTI namaGolf 8 R angu-159 anenkinga yebhande lomgibeli esihlalweni sangaphambili. 

Izimoto ezithintekayo zidayiswe kusukele ngomhlaka 16 April kuya ku-30 June 2025.

I-VW iveze ukuthi kunephutha elenzeka ngesikhathi kuthungwa amabhande alezi zimoto ezithintekayo. Lokhu kungenzeka kubenomthelela wokuthi ibhande alifaseki kahle, okubeka impilo yomgibeli engcupheni uma kunengozi. 

I-Volvo icela kubuyiswe  ama-XC90 plug-in hybrid angu-26 akulo nyaka(2025) kuya ku-2026. Baveza ukuthi izimoto ezithintekayo kungenzeka zibenenkinga yokubhreka uma ifakwe kuB mode noma u-One Pedal Drive. Lokhu kungadala ingozi uma uhamba endaweni eyehlelayo udedele wonke ama-pedals.